Page 13 - MERVIN WYATT RAS

6 AWEMainta Diabierna, 6 October 2017

Otmar Oduber (Lider di POR)

Partido POR a reuni cu Presidente di CFT unda cu a trata

e situacion financiero actual y pa futuro di Pais Aruba

LIDER di partido POR sr. Otmar Oduber tabatin e honor ayera di por a reuni
cu sr. Raymond Gradus, Presidente di Colegio di supervision financiero (CFT),
kende algun luna pasa a asumi e responsabilidad aki.
E reunion tabata den cuadro di e posibilidad cu partido POR lo ta formando
parti di e Gobierno nobo y a trata e nota cu a wordo entrega na sr. Informador.
Tambe a intercambia di pensamento y ideanan riba e reto grandi cu nos tin nos
dilanti a base di e cifranan cu a ricibi e ultimo dianan aki pa locual ta ensera e
situacion financiero y presupuesto di pais Aruba pa 2017 y 2018.

Otmar Oduber ta splica cu e entre e temanan ya menciona, e rol cu CAFT tin na
Aruba cu Gobierno y continuacion of no di esaki, tambe a wordo trata.
Como partido a percura pa trece nos pensamento dilanti di con nos ta mira e
situacion awor, con nos a mira e situacion den e ultimo añanan y a papia riba e
relacion den futuro y con esaki mester continua.

‘Como isla mi ta kere nos mester carga nos responsabilidad na Aruba pa percura
cu nos ta cumpli cu loke cu nos ta bisa y locual cu nos ta priminti cu nos ta haci,
pa logra e metanan nos dilanti.
Naturalmente mi no por a keda sin menciona riba e posibilidad pa prestamonan
cu mester wordo haci na un interes hopi mas abou cu lo por agilisa mas ainda
den e situacion cu Pais Aruba ta encontra su mes segun e ultimo cifranan.’

Pa conclui sr. Oduber a bisa cu e ta sali cu curazon trankil for di e combersacion
y ta reconoce cu sigur tin boluntad pa yuda den e procesonan cu nos tin nos
dilanti, cual ta importante.
“Nos sa di e tension cu tabatin den e relacion entre Reino cu Aruba durante di
e ultimo añanan. Pero mi ta sali cu sentimento cu ta keda na nos pa cumpli cu
loke nos compromete nos mes. Unabes cu haci esaki ta gana e respet.
Esey t’e mensahe cu awe nos a laga atras cerca CAFT y a mustra tambe cu nos
ta partnernan cu mester yuda soluciona un problema grandi cu Aruba tin ya cu
aki no tin cuestion di ken ta bay bringa otro, sino cuestion di mira con ta traha
pa yega n’e solucionnan y percura pa bienestar di Pais Aruba”.