Page 69 - Update Newspaper Minister Paul Croes

STA: Awor e trahadornan di Caribbean Palm

Village tin un fundeshi pa traha riba dje

on: Monday, June 8, 2015In: LocalNo Comments
Print Email

No tur ora pa logra un CAO ta facil, special ora cu e porta no ta habri 100% pa e sindicato. Pero
awor por mira un bes mas cu e trahador tin su derecho pa haya un CAO, special ora cu costo di
bida no ta facil manera antes segun Diego de Cuba, presidente di STA.
E ta splica cu di parti di STA y di parti di Gerencia di Caribbean Palm Village Resort, a trata na
yega na otro ora cu a pega, a solicita presencia di mediador y tin cu gradici’e hopi pa su
intervencion den esaki. Ora ta bezig cu negociacion asina ta hopi hende ta sapatia riba dak,
pasobra nan kier mira resultado. STA a pidi hopi na comienso, pero e realidad di bida ta ora cu a
mira e cifranan. Mester por ta madura tambe pa mustra comprension pa loke ta e situacion y loke
tabata factibel y loke por a yega na dje. Semper un sindicato kier mas, pero tin biaha tin cu biba
cu realidad kico e compania por afford. Y den e caso aki no tabata diferente. A pesar di esaki
toch, e empleadonan a bay dilanti. Esey ta un pluspunt den tur sentido y ta e sistema cu STA ta
negosha.
Semper a negosha pa bay dilanti y no pa breakeven. Si ta tene na cuenta pa nan no bay haci di
mas y aki dos of tres aña e compania ta den bancarota y tin 60 of 70 hende riba caya.
De Cuba ta contento cu e logro pasobra ta e prome contracto colectivo pa CPV, despues di 28
aña. Esaki ta hopi importante pasobra awor aki tin un fundeshi. E empleadonan tin un houvast,
nan tin un caminda cu nan por construi riba dje. Awor aki de Cuba ta di opinion cu e ehecucion
di e contracto colectivo aki, tur hende lo mira un adelanto den nan salario y locual ta cierto
beneficionan tambe. E ta sigui splica cu all in all, e ta un bon CAO toch pasobra awor aki tin un
fundeshi.
A haci un calculo dependiendo di e salario, caminda cu hendenan a bay dilanti cu 14%, kisas un
tiki mas. Tin caminda cu a bay dilanti cu 12%, dependiendo e salario di e personanan. Tin varios
elemento den e contracto colectivo cu si papia di aumento general, si papia di cuminda, si papia
di e bonus, cosnan asina ey, tur a aumenta. All in all toch si papia den porcentahe un averahe di
12% casi, e calculonan cu de Cuba a haci, reparti den tres aña, e ta bon. E ta bon pa un comienso
di un contracto colectivo.
De Cuba ta splica cu e negociacion tabata tardando y na ultimo momento toch e empleadonan a
bin compronde cu miho tuma loke a wordo poni riba mes, pasobra toch nan a bay dilanti y pa
mantene e compania tambe cu bida. Tanto bal tin salarionan astronomico y aumentonan grandi,