Page 15 - ATA

Plaza Padu pronto un realidad

Sunday, 23 October 2016 19:45
Comparti

Ta asina cu ta den pleno preparacion pa loke lo ta culminacion y entrega di Plaza Padu cu ta e Plaza cu ta
un homenahe na personanan cu a contribui grandemente na nos Historia y tambe nos cultura.
Padu Lampe, Rufo Wever y Hubert Lio Booi cu ta descansa na pas.
E construccion di e plaza tabata un trayecto hopi largo, un proyecto colectivo unda cu diferente
Ministerio a contribui na esaki, e vision ta di gobierno pa a bin cu un plaza asina aki. Tambe mester bisa
cu ta conta cu sosten di partnernan den sector priva manera Aruba Tourism Authority (ATA) como
tambe TPEF y Mondriaan Fonds cu ta un fondo internacional, segun Indra Zaandam consehero di
cultura.
Finalisacion proyecto
Si tur cos sigui segun planificacion, pa fin di November comienso di December tur cos lo ta cla. Ultimo
materialnan mester bin di afo ainda y delaster preparacionnan mester wordo finalisa ainda. E
monumento mes cual hopi hende ta wardando riba dje tambe ya ta riba barco rumbo pa Aruba y ta traha
pa artista local renombra sr. Ciro Abath. E obra cu lo bin for di Hulanda y ta spera di yega Aruba 2 di
November, despues mester keda pendiente pa e sali di douane den coordinacion cu trabounan
infrastructural, pa por cuminsa stipula un fecha den direccion di fin di november comienso di december
pa despues e wordo instala.
Loke por spera
“Naturalmente lo kier laga un tiki espacio pa e desvelo mes, pero mester bisa cu e ta un homenahe na 3
persona sumamente fuerte cu ta wordo mira y reconci como baluartenan den nos historia. E monumento
ta traha di brons y ta un obra excepcional.” E ta un trabou masha grandi cu sr. Abath a haci unda cu el a
pone su vision artistico tambe aden, pa asina duna e obra un elemento artistico y historico. Pa loke ta e
apertura di e plaza esaki ta hopi spera tambe cerca hopi miembro di famia, pasobra tur hende tin e
anhelo di wak algo asina, sra. Zaandam a bisa.
Ministerio di cultura ta sumamente contento y ta un orguyoso pa por a traha cu partnernan di
infrastructura, di asuntonan general, pero tambe cu sector priva pa nos stimula nos cultura y nos
historia. “Den e caso akinan no ta solamente nos turistanan ta cera conoci cu nos baluartenan y ken a
contribui na nos historia, pero nos localnan tambe ta siña conoce nan historia”.