Page 7 - Djaluna 23 yuli 2018.pdf
P. 7
Djaluna 23 Yüli 2018 7
Hòmber ku
pasport di
Kòrsou hañá
morto den
kamber hotèl
na Medellín
WILLEMSTAD.- For di
e wèpsait di Colombia,
Minuto30 ta informá ku
djadumingu mardugá a
haña un hòmber sin bida
den kamber di un hotèl na
San Joaquín.
Den oranan di mardugá,
outoridatnan a realisá un
inspekshon téknika na e
kadaver den e hotèl ku ta
ubiká den e siudat di San
Joaquín, “comuna” 11
Medellín.
E wèpsait ta bisa
ku segun informashon
preliminar, e hòmber ku tin
pasport di Kòrsou a drenta
e hotèl den kareda di 2’or di
mardugá i despues a top’é
sin bida den e lugá.
Tambe ta bisa ku ounke
kousa di e morto no a
keda establesé, ta konosí
ku e hòmber tabata un
konsumidó di droga i
kisas e por a fayesé dor di
sobredósis, pero ainda e
wepsait no por a konfirmá e
vershon aki.
