Page 3 - AM200910
P. 3
Diahuebs, 10 September 2020 AWEMainta 3
Helicòpter NH90 cu a cay sacá for di laman
E helicòpter NH90, cu dia 19 di jüli a disparcé den laman den
Region Caribe, a keda sacá for di laman. E aeronave den e último
dianan cu a transcurí a keda sacá for di laman, den 2 parti.
E parti di e rabo y e bòdy ayera mèrdia a yega den waf di Còrsou,
y awor nan lo keda transportá cu barco pa Hulanda. Eynan na
fin di e luna aki nan lo keda transferí pa ‘Inspectie Veiligheid
Defensie (IVD)’ (Inspeccion di Seguridad di Defensa). Nan lo haci
investigacion tocante e causa di e accidente.
Cu yudansa di e barco Volantis y un robòt submarino, ‘Maritime
Capacity Alliance’ a ehercé e rescate. E ekipo civil-militar tabata
consistí di técniconan di helicòpter di Defensa y specialistanan di
rescate civil.
Cu un kran grandi di e barco di rescate, promé a saca e rabo. Esey
tabata ubicá na mas o ménos 450 meter di profundidad, alrede-
dor di 12 kilometer pafó di costa di Aruba. Cu yudansa di e robòt
submarino, e cabelnan pa elevá e restonan di e aeronave, a keda
pegá n’esakinan.
E bòdy cu na promé instancia ainda tabata drief, tabata ubicá na
mas o ménos 100 kilometer mas leu, den awanan di Venezuela,
na casi 1,5 kilometer di profundidad. E parti aki a keda sacá cu
un tipo di skòp grandi, den cua e restonan tabata pas precies.
E asina yamá ‘cradle’ di 17 x 15 meter, a keda di sak, manda fon-
do, via di e kran di Volantis. E parti abou di e skòp ta ekipá cu un
skrin di waya. Di e forma aki tur e pida pida nan di e helicòpter
cu lo por a los, lo por a keda recogi y sacá.
E operacion pa saca e helicòpter a keda ehercé den presencia di
un Inspector di IVD.
Den e accidente aki 2 miembro di tripulacion a pèrdè nan bida.
