Page 53 - flip min.tcc

algo grandi pasobra el a descubri hopi cos. El a stimula e hobennan pa expresa nan talento. E tambe a bai
Curacao y a mira hopi cos diferente y conoce hopi mucha. E prome aña cu el a bai e tabata tin hopi
berguensa. Awendia e ta haci poema manera e mester haci esaki. Jakary Gabriel a trece un poema dilanti.
E yama Papiamento. E tabata algo cu el a traha pasobra den mesun poema el a splica cu ta e idioma cu e
ta Sonja aden. Papiamento ta su prome amor.

http://www.24ora.com/local-mainmenu-5/92242-arte-di-palabra-ta-un-proyecto-dinamico-cu-
ministerio-di-cultura-kier-promove

Agricultornan local sorprendi cu paso di Minister Oduber

W ednesday, 25 February 2015 16:11
Comparti

Cunukeronan di Aruba a keda sorprendi comunicado di gobierno anunciando plan pa importacion di
Fruta y Berdura for di Republica Dominicana. The Land Farm Aruba ta un ehempel di esfuerso grandi
local pa produci fruta y Berdura localmente y uzando “Energia Sostenibel” i Mama Naturalesa.
The Land Farm Aruba kier ta un ehempel di locual ta posibel na Aruba cu Agricultura Local. Comision
Pro Cunukeronan Arubiano ta dedica su mes na traha pa e bienestar di cunukeronan Arubiano i
Criadonan di bestia chikito. Nos mensahe como Agricultor Local na Aruba ta cu nos ta lucha pa logra
apoyo, sosten y progreso pa e Sector Primario di nos Pais. Nos ta solicita continuamente pa pasonan
wordo tuma pa haci e circunstancia mas agradabel y faborabel pa promove y realisa Agricultura Local.
Cu asombro awor nos a tuma nota di e pasonan straño cu a ser anuncia den media di parti di Gobierno pa
establece comercio di fruta y berdura cu otro paisnan manera Republica Dominicana door di Minister
Otmar Oduber, kende ta e Minister encarga cu e Sector Primario na Aruba.
Pa nos esaki ta incomprendibel ya cu esaki mas bien ta promove Agricultura di otro pais i no aki na
Aruba mes. Esaki ta hiba Aruba na dal dos stap patras den su desaroyo di Sostenibilidad i tres stap
padilanti den aumenta nos dependencia riba Fuel Oil y Productornan di Exterior. Aruba ya a sinti e
efecto di e dependencia riba fruta cu berdura di afo door di e subida di prijsnan durante e incidente di
Venezuela algun luna pasa.
Tin hopi Cunukero Arubiano i hopi hende den nos comunidad cu kier produci nan mesun cuminda i
cumpra fruta y berdura fresco local. Sinembargo e reto mas grandi pa Agricultura Local ta e scarsedad i
prijs di Awa. Nos di The Land Farm Aruba awor den 2015 a solicita yudansa pa haya awa na tarifa special
pa Agricultura pa asina nos por cuminsa produci mas fruta y berdura i bira asina 100% “Self-Sufficient”
den produccion di cuminda pa 2020. (Green Aruba Agenda). Hopi carta a wordo skirbi, reunionnan
tambe a ser teni i hopi cos a ser priminti, papia i propaganda. Pero te awor aki masha poco te casi por
bisa nada a wordo haci pa en berdad promove i stimula Agricultura Local. Nos kier invita tur
cunukeronan Arubiano i Pueblo di Aruba en general pa uni forsa pa defende interes di Agricultura local.
Esaki lo beneficia economia local, ecologia global i e bienestar di Aruba su comunidad.

Comentarionan (3)