Page 32 - BNDIA ARUBA

A32 LOCAL
Diasabra 5 Mei 2018

Exposicion ‘Machete Rocks’ ta enfoca riba bestia y humano

ORANJESTAD— Ate-
liers ’89 ta sigui trece arte
contemporaneo den men-
te di nos localnan cu nan
exposicion nobo ‘Machete
Rocks’.
Despues di nan ultimo ex-
posicion audiovisual, Ate-
liers ’89 e luna aki a presenta
e trabounan di nan curso
mas reciente cual tabata en-
volve trahamento di escul-
tura inspira pa formanan
humano y animal. E exposi-
cion titula ‘Machete Rocks’,
a mira contribucion y par-
ticipacion di Jamila Phillip,
Samuel Eman, Suzanne van
Spall, Rodrigo Peraza, Judith
Werleman, Clarck de Lange,
Daniela Sanchez, Adolfo
Rekkers, Lupita Bernabela y
Romelinda Maldonado.
E piezanan sublime tabata
traha di diferente material
entre otro madera, papel y
carton cual a yuda e par-
ticipantenan acerca na e for-
manan animal, humano of di
mata cu nan a studia durante
e curso. Creando asina un
sintesis entre e limitacion di
e material y e forma cu nan
lo kier acerca.
E biaha aki Ateliers ’89 a haya
colaboracion como docente
den forma di Yuval Rimon di
Israel. Tabatin obranan cu a
purba acerca formanan mi-
tico manera dragon pero tin
cu a simplifica formanan di
leon, colebra y hende huma-
no. Samuel Eman a crea un
structura riba cual el a med-
ita, bisti completamente den
blanco. Su escultura como
tal lo por considera como un
instalacion/performance.
Lupita Bernabella a crea un
instalacion interesante unda
e vecindario di San Nicolas a
keda suspendi den forma di
casnan chikito cu potretnan
di antaño asina creando un
vecindario di memoria sus-
pendi den e madera di pre-
sente.
E proximo curso cu lo tuma
luga na Ateliers ’89 ta uno di
performance y lo ta guia pa
Olga van Bochove.