Page 54 - ON APRIL 6

Na april proximo Iniciativa pa Desaroyo di Empresa Arubano (Idea) ta presenta su curso “Empresario
Prepara” cual ta organisa conhuntamente cu Enseñansa Pa Empleo (EPE). Meta di e curso ta pa yuda nos
clientenan administra nan negoshi den un forma eficiente y engrandece e nivel di informacion y strategia
con pa haci di nan negoshi uno exitoso.

E ta un curso excelente pa esnan cu kier cuminsa un negoshi den futuro prepara nan mes awo door di
siña kico ta encera un bon maneho. Pa esnan cu ta maneha nan negoshi caba esaki ta un bon
oportunidad pa refresca e practica di bon maneho y haya mas idea creativo pa optimalisa producción,
drecha e mercadeo di bo negoshi y establece un administración mas efectivo. Pa logra esaki nos a parti e
curso den 2 fase: A. Prome fase ta ciencia empresarial; Business Plan, Marketing, Purchasing Logistics,
Tourism Marketing, Quickbooks, Labour Law of Aruba, Business Law, Leadership & Management; B.
Segundo fase cursistanan ta haci uzo di e teoria den practica. Lo siña traha un business plan y ta duna
diferente ehercicio tocante con pa maneha un negoshi. Empresario Prepara lo cuminsa dia 11 di april
2016 y ta consisti di 40 lesnan. Horario ta 7.00 pm pa 9.15 pm y pa e lesnan lo tin un schedule cu lo
mester tene cuenta cune. Localidad di curso ta ‘Enseñansa Pa Empleo’ situa na Engelandstraat 33, Eagle.
Curso Empresario Prepara ta costa Afl. 525,- y por pague den dos pago (prome cu 7 di april y fin di mei).
Mester completa tur e fasenan pa por logra un diploma na final.

Criteria pa atende curso Empresario Prepara: - Ta preferibel pa tin nivel di MAVO of equivalente.
Diploma no ta necesario. - Mester tin conocemento di computer - Conocemento basico di papiamento,
hulandes y ingles ta necesario. Pa informacion y inscribi por yama oficina di Idea na 5821181 ext. 248 of
ext. 274 of pasa personalmente na Departamento di Asuntonan Economico, Comercio y Industria na Sun
Plaza di 2 Piso. Tambe por like Idea su Facebook pagina: Idea-Aruba of via
email:j.trim@arubaeconomicaffairs.aw pa mas informacion.

Aruba ta host schoolnan di Corsou y Boneiro: Atletismo y
Futbol di Sala den Weganan Interinsular Escolar

Tuesday, 05 April 2016 16:42
Comparti

Despues cu e prome encuentro a tuma lugar na nos isla ruman Corsou den luna di maart, e fin di siman
aki ta toca turno pa Aruba ta sede di e siguiente competencianan di “Weganan Interinsular 2016”.
Delegacion di Corsou y Boneiro ta yega Aruba diahuebs dia 7 di april y e mes atardi e prome weganan ta