Page 67 - flip kpa

http://masnoticia.com/pelea-entre-homber-y-muhe-riba-caminda-termina-na-detencion/

Auto di polis a bolter na Savaneta

Tuesday, 17 February 2015 16:36
Comparti

Diamars atardi polisnan den un SUV a bolter drenta Salinja na Savaneta. Polis di trafico a wordo manda
cu urgencia na e sitio. Na yegada a topa cu e auto riba cuater wiel pero cu varios danjo tur rond di e auto.
E windshield tabata kibra y rond di e auto varios deuk. Segun informacion tin trabounan andando cu e
personal di WEB y e caminda lo tabata muha. Den e birada peligroso e auto di polis a bai den scual y
aunke a busca manera pa purba maniobra a drenta Salinja y bolter. Mirando cu e area ta moli e danjo no
tabata asina fuerte. E agentenan den e auto a wordo atendi pa paramediconan cu a presenta cu e rapid
responder. Esaki ta otro auto di polis cu ta wordo kibra. Parce cu polisnan no por maneha cu e autonan
SUV aki. Un auto mas plat ta mas facil pa maniobra. Asina mes den cierto momento un SUV ta necesario
pa por brinda e asistencia. Polisnan tur tabata contento tempo a haya autonan SUV pero autonan SUV
mester tin nan tire perfecto y yena na midi pa maniobra manera mester ta. Next flota mester busca
autonan plat tambe estilo police packadge y tambe SUV.