Page 39 - Djaweps 26 yuli 2018.pdf

Djaweps 26 Yüli 2018 39
Relashoná ku eksigensia di kantidat mínimo di miembresia

Reunion di tur sindikato

representá den CGOA

WILLEMSTAD.- E trahadónan den e kadena ku tur e otro sindikatonan
sindikato ku ta representá hudisial, SAP den konsulta representá den e órgano di
konsulta CGOA, esta ABVO,
NAPB, STrAF i SITEK a
yama un reunion pa awe
mainta 10’or den edifisio di
SER. Motibu di e reunion ta
deklarashonnan di Minister
di Maneho di Gobernashon,
Armin Konket (MAN) den
prensa ku ABVO ta e úniko
sindikato ku tin sufisiente
miembro pa por ta forma
parti di e konsulta di
sindikatonan den CGOA.
Na e momentonan aki ta
tur e 5 sindikatonan ariba
menshoná ta den e órgano
di konsulta CGOA huntu
ku gobièrnu kaminda ta
atendé ku tur asuntu ku
regardá empleadonan
públiko. Konforme e
dekreto nashonal di 2016
e sindikatonan ku ta
representá empleadonan
públiko mester tin un
mínimo di 200 miembro
pa por forma parti di e
plataforma di konsulta di
sindikatonan. Ta for di aña
pasá sèptèmber Konket
a manda un karta pa e
sindikatonan ku e petishon
pa indiká mas tardá 1e
yanüari e aña aki si nan
ta kumpli ku e kriterio
di e kantidat mínimo di
miembro.
E sindikatonan mester
a entregá un lista di
miembresia huntu ku ku un
deklarashon di akountent.
Sinembargo 1e yanüari
niun sindikato no a kumpli.
Konket konsekuentemente a
bolbe pidi e sindikatonan pa
manda e informashon ku el
a pidi pe.
E úniko sindikato ku a
reakshoná tabata ABVO i a
entregá e dokumentashon
ku e minister a pidi pe. E
sobrá sindikatonan te ainda
no por a kumpli. Kiko ta
bai pasa awor no ta konosí
ainda. Minister Konket ta ku
fakansi na e momentonan
aki.
Na momento ku e lei ku
ta regulá funshonamentu
di CGOA a drenta na vigor
na 2008 no tabata hasi
menshon eksplísitamente di
kua ta e eksigensianan ku
mester kumpli kuné pa por
ta forma parti di e komishon
sentral di sindikatonan
manera e plataforma
yamá ofisialmente. En
general tabata indiká ku
Sigui lesa pagina 47