Page 6 - DIGICEL 24 JULY 2015
P. 6
DIABIERNA 24 JULI 2015 DIARIO PAGINA 19
Awe ta wordo conmemora fecha di nacemento
di Libertador Simon Bolivar
ORANJESTAD (AAN) – e fecha di nacemento di y studia, y a haci historia, Simon Bolivar su nomber
Libertador Simon Bolivar. y sigur na tur nacion unda completo ta basta largo: Simon
Awe e paisnan di Sudamerica Tambe e ta wordo conmemora Venezolanonan ta biba y tin Jose Antonio de la Santisima
na tur otro pais na mundo un parke cu su estatua dedica Trinidad Bolivar y Palacios
Venezuela, Colombia, unda cu Simon Bolivar a biba na e Libertador. Ponte y Blanco.
Bolivia, Ecuador, Pana y Peru,
principalmente, ta recorda
El a nace na Caracas na aña
1783, y a muri na Santa Marta,
Colombia, dia 17 di December
1830.
E tabata un militar y politico
di e epoca pre-republicano
di e Capitania General di
Venezuela. Fundador di e
Gran Colombia y un di e
figuranan mas destaca den e
emancipacion Americano for
di e Imperio Spaño. Bolivar
a contribui na un manera
decisivo na e independencia di
Venezuela, Colombia, Bolivia,
Ecuador, Panama y Peru.
Na aña 1813 el a wordo
honra cu e titulo honorario di
Libertador, door di e Cabildo
di Merida na Venezuela, cual
a wordo ratifica na Caracas
e mesun año y e titulo aki a
wordo asocia na su nomber:
Libertador Simon Bolivar.
E problemanan pa realiza su
plannan tabata asina grandi
cu el a yega di afirma di su
mes cu e tabata e “homber di
e dificultadnan” manera el a
skirbi den un carta dirigi na
e General Francisco de Paula
Santander na aña 1825.
Libertador Simon Bolivar a
participa den e fundacion di “La
Gran Colombia” cual nacion a
purba consolida su mes como
un gran confederacion politico
y militar na America Latina,
di cual el tabata Presidente.
Bolivar ta considera pa su
accionnan y idealnan, como
e Homber di America y un
figura destaca den e Historia
Universal, debi cu mundo
a hereda di dje un legado
politico den diferente pais
Latinoamericano, algun di
cual e ta wordo venera como
simbolo nacionalista. El a
ricibi honor na varios pais
rond rond mundo pa medio di
estatua, monumento, parke,
plaza, nomber di school, entre
otro.
Awe ta dia di fiesta nacional
na e paisnan Bolivariano, entre
nan Venezuela y Colombia.
