Page 13 - MIN.JUS MARCH 4,2015

A cuminsa deshaci di autonan bieu na garashi di Polis

Tuesday, 03 M arch 2015 15:59
Comparti

Despues di a haci e anuncio publico, recientemente Cuerpo Policial a deshaci di tur vehiculonan confisca cu no a wordo
busca. Algun siman atras a wordo anuncia oficialmente cu lo deshaci di vehiculonan cu a wordo tuma den "bewaring" y
otronan cu a wordo confisca.
Minister di Husticia mr. Arthur Dowers a splica cu tur vehiculo cu wordo kita for di caminda, ta wordo transporta pa e
garashi di Polis na Balashi na prome instante. E doño por busca su auto na momento cu e cumpli cu e rekisitonan cu t
wordo exigi pa ley y gastonan relaciona cu e "bewaring" di e auto. "Nos a constata pa hopi aña cu hopi hende
principalmente si e vehiculo no tin mucho balor, nan no ta buske mas. Asina a haya cu tin auto cu tin 5 aña para na
garashi di Polis y creando gasto halto pa Gobierno. Alabes e luga ta keda yena y Polis no por haci su trabou den forma
optimal."
E ariba menciona tabata e motibo cu a duna tur hende e chens busca nan propiedad y paga e gastonan cu tin, pero
mayoria no a reacciona. A cuminsa pa destrui e autonan cu tin menos balor y cu tin un debe hopi halto. "Por ehempel tin
un auto para aki cu nos a calcul'e na mil florin, pero e debe Gobierno pa tur e añanan cu e ta para aki, 9 mil florin. Nos no
ta kere cu den un caso asina e persona ta bin busca e auto mas. Pero si e bin busca su auto, e lo wordo informa cu e tin un
debe di 8 mil florin ainda cu Gobierno."
E mandatario a splica cu a haci un analisis si e vehiculonan tin piezanan cu lo por a wordo bendi pa cubri gastonan d
Gobierno, pero e cantidad di trabaou cu mester haci pa por bende e piezanan ta basta y e gastonan lo ta mas cu
entradanan. "Pesey a dicidi cu esnan cu no tin balor, ta deshaci di nan."
Despues di destrui e autonan di menos balor, Minister Dowers cu ta calcula cu pa otro siman lo bay tene un vindishi, cu t
regla legalmente, durante cual ta bende e autonan cu ta den un tiki miho condicion. A wordo splica cu for di suma di cad
auto lo kita e gastonan di Gobierno y e resto e doño por hay'e. "Si no resta nada, nan lo keda cu un debe." No ta bay hac
esfuerso grandi awor pa e vehiculonan cu ta den garashi, pero den futuro, ta bay crea un procedura pa e doñonan busca
nan auto den cierto periodo, sino e consecuencia ta cu lo bende e auto unabes cu e gastonan ta subiendo. "Gobierno no
por keda carga responsabilidad pa hendenan cu nan mes no ta mustra responsabilidad pa nan propiedad."
Den e autonan cu ta den "bewaring" tin algun vehiculo basta nobo cu a wordo tuma for di riba waf. "En principio, tur auto
cu ta den "bewaring" por wordo bendi den vindishi. Tur auto cu a wordo confisca door di Ministerio Publico, cu ta basa
riba sentencia di Corte, e Griffier di Corte ta responsabel pa esey wordo bendi na vindishi, si ta e caso. Pero tin di nan cu
ta wordo saca for di circulacion y cu lo no wordo bendi den vindishi, pasobra ta cay pa pais Aruba."