Page 14 - MIN.ARENDS

2 AWEMainta Diasabra, 28 October 2017

21 PARLAMENTARIO
A HURA

AYERA MAINTA

AYERA mainta, tabatin un ceremonia solemne den
sala di Parlamento, unda den presencia di Goberna-
dor, Alfonso Boekhoudt a tuma lugar huramentacion
di 21 Parlamentario.

Di e 21 Parlamentarionan aki, sigur 7 ta drenta Par-
lamento pa prome biaha y nan ta e.o. Ricardo Croes
(RED), Daphne Lejuez (MEP), Rocco Tjon (MEP),
Hendrik Tevreden (MEP) Robert Candelario (AVP),
Michael Lampe (AVP), Richard Arends (MEP).

Pa hopi ta un experiencia completamente nobo. Ta di
spera cu Aruba lo haya un Parlamento cu ta cumpli
cu deseo di pueblo. Por mira tambe, cambio den
unda di sinta. Despues di 8 aña AVP den Gobierno,
awor lo cambia nan lugar di sinta, esta lo bay sinta
n’e banda drechi.

E partidonan di coalicion lo sinta

n’e banda robez, unda lo mira

fraccion nan di MEP, RED y POR.

Un di e prome reunionnan di e actual Parlamento lo
ta e.o. instalacion di e diferente comisionnan, y ta
interesante pa mira con e constelacion lo bira.
AVP t’e unico fraccion cu ya apunta nan lider di
fraccion, cu a keda den persona di Marlon Sneek.
Partido RED, lo tin su unico miembro como su lider
di fraccion, esta Richardo Croes, mientras ta keda
pendiente di parti di MEP, kende nan lo apunta lo
bira proximo lider di fraccion.

Parlamento di Aruba ta un combinacion di exper-
ticio, si mira cu tin miembro cu tin algun aña caba
den Parlamento, aunke algun di nan lo move pa bira
miembro di proximo Conseho di Minister, cu ainda
falta di huramenta.