Page 16 - AM201118
P. 16
16 AWEMainta Diaranson, 18 November 2020
Polis a detene homber, kende tabata
humando marihuana den su Jeep
DIALUNA anochi manera
semper Polis a keda tira bista
p’e dos atracadornan. Durante
cu e patruye tabata haciendo es-
aki nan a pasa dilanti un adres
na Palm Beach unda nan a haya
holor fuerte di marihuana.
E agentenan a sigui check di
unda esaki tabata bin y a re-
sulta cu un cabayero sinta den
Jeep tabata humando esaki.
Polis a detene, y a pidi un biaha
mas pa transportwagen pa hiba
e cabayero warda mirando cu e
lo a viola e ley di droga.
No ta conoci si e lo a wordo haya
cu un cantidad grandi.
Buscando atracadornan, Polis a topa cu
un homber cu machete y a detene mesora
DIALUNA algun minuut despues di e
atraco riba He’s Supermarket na Monserat,
Polis a bay den e casnan di pueblo di Noord.
Esaki tabata cu e atracadonan lo a bay e di-
reccion ey.
Un patruya pasando den Semeleerstraat a
topa cu un cabayero canando cu un machete.
Mesora esaki a hala atencion di e Polisnan.
E agentenan a baha y a bay riba e homber y
a detene. Mester remarca cu e homber aki no
tabatin nada di haber cu e atraco. N’e sitio
por a scucha cu e lo tin problema cu un con-
oci di Polis cu ta biba den casnan di pueblo,
y posiblemente lo tabata na caminda pa bay
regla cuenta.
Polis a detene y a pidi transportwagen cu a
presenta despues di algun minuut pa hibe
warda, unda e lo mester splica e motibo cu e
tabata cana cu e machete riba caya.
