Page 31 - flip min.soc

Minister Drs. Paul Croes : Encuentro informativo y fructifero na Universidad di
Aruba

 Mar 27th, 2015
 Local

Na salida di su bishita na Facultad di Arte y Ciencia di Universidad di Aruba, Minister di Asunto
Social Drs. Paul Croes a expresa su satisfaccion pa e hecho cu pueblo y Gobierno di Aruba ta
conta cu un recurso sumamente valioso pa afronta e retonan social. “Pa retonan social bo mester
di organizacion manera e.o. Universidad di Aruba cu por apoya bo den investigacion y forza
laboral cu por bin cu ideanan innovativo con pa resolve of disminui problemanan na Aruba,”
tabata su palabranan.
Minister Paul Croes a bishita e tres departamento cu ta forma parti di e varios facultadnan
caminda e tabatin oportunidad di atende varios presentacionan y combersa cu docente y
studiantenan. E mandatario ta convenci cu Gobierno di Aruba tin un partner clave den e
institucion aki pa cual sigur lo busca pa traha mas estrechamente. El a conoce e departamento di
Social Work & Development, Organization, Governance & Management y Leraren Opleiding
Wiskunde.
E titular di Asunto Social, Hubentud y Labor a considera e mainta di su bishita como un
encuentro hopi informativo ademas di fructifero. El a gradici directiva di Universidad di Aruba y
e Facultadnan pa e bon bini, sperando cu oportunidad asina por ripiti mas den futuro pa por
intercambia idea y genera resultadonan positivo pa nos comunidad.
Manera Minister Croes a splica cu e spectrum social ta uno hopi amplio cu hopi di su retonan y
un dinamica distinto na otro ministerionan pasobra basicamente tur situacion por caba den un
problema social si ta papia di adiccion, abuso y con psicologicamente ta afectando na nivel
social. “Nos ta bay traha mas fuerte y dirigi pa resolve diferente situacion social den nos
comunidad y ki mihor cu hacie uni, hunto cu studiante y docentenan cu tin e cifranan con pa haci
esaki,” asina Minister a comenta.
A mustra tambe cu den e retonan dilanti, cu gobierno por apoya e facultad den su trabounan,