Page 20 - awem oct 2

20 AWEMainta Diabierna, 02 October 2015

Drs.Mervin Wyatt-Ras
cu elogio pa Fiesta
di Cunucu na cas
di famia Stamper

DRS. Mervin Wyatt-Ras den ultimo fin di siman tabata

presente na cas di famia Stamper-Maduro unda tabatin
un bunita actividad cultural. Esaki a ser organisa dor
di Santa Rosa, Monumentefonds, Ministerio di Cultura
y otro organisacion y boluntarionan. Tabatin stands di
diferente compania, manera Aloe Balm, Muchila Cre-
ativo y diferente empresario Arubiano a bin bende nan
producto den diferente stands. Tabatin contamento di
storia, presentacion di diferente agrupacion musical y
grupo di baile. Alabez por a nota presencia di Minister
di Cultura, sr. Otmar Oduber y famia, nos dama cultural
2015 y esun 2014. Tambe e dama cu e mihor trahe y
cancionnan di difunto Bernadina Growell.
Tabatin atraccion alabez di un spanta pajaro den un pida
serca cu cuminda di cunucu manera maisha rabo, boon-
chi, etc. Den e cas tabatin presentacion di artefactonan
di antes cu ta masha bunita mes y tabatin lesamento di
buki. Parlamentario Wyatt-Ras a saborea un dushi carni
cabrito stoba den compania di esposo y amistadnan y
a sinti’e orguyoso di por ta parti di historia Arubiano.
Parlamentario Wyatt-Ras ta di opinion cu en especial
pa nos futuro generacion ta di importancia pa participa
na actividanan como tal pa conoce nos cultura y ori-
gen y siguramente tabatin cantidad di mucha y hoben
presente. E Parlamentario ta spera tambe cu por yuda
sostene cu casnan di antes, den e caso aki e cas construi
na aña 1887 por ser conserva como parti di nos herencia
cultural.