Page 40 - HOSPITAAL

tambe tin otro localidadnnan cu no ta cay den esaki. Esey ta e Take Away-nan.
E ta un problema cu nan tin pa hopi aña caba. Na aña 2010, Departamento di
Higiena a haci un accion ariba tur e Take- Away. Nan a trece hopi punto dilanti

cerca e mandatario cu esey tambe mester wordo agrega den ley. Pa nan cumpli
cu e mesun exigencianan cu un restaurant ta cumpli cun’e. Tin hopi cu no ta cay

den parti di ley, pero esey no ta descarta cu nan ta wordo controla si. Tur
localidad cu ta bende cuminda ta wordo controla door di Salubridad Publico.

Esaki ta conta pa restaurant di calidad halto tambe.

E frecuencia kisas no ta mesun cos, pero si tur ta haya bishita di Departamento
di Salubridad Publico. Un ta haya mas cu otro. Tin cierto localidad ta haya un
extra bishita door di kisas un keho ricibi. Pero tur luga cu ta bende cuminda, ta

haya bishita di Departamento di Higiena, di Salubridad Publico.

Recientemente Departamento di Salubridad Publico a caba cu un control den e
region di San Nicolas. En total, 105 localidad di bendemento di cuminda a wordo

controla. Di nan, 60% tabata den bon estado, 19% tabata mas o menos y 20%
tabata malo, di manera cu el a wordo cera. Por bisa cu un quinta parti di e

establecimentonan a wordo cera pa incumplimento di e reglanan di Salubridad
Publico. Esakinan ta e controlnan cu a wordo teni den e distrito di San Nicolas,
den e zona di San Nicolas. Esaki a bay conhuntamente cu polis, brandweer,

DOW y Volksgezondheid y e parti di Higiena.

Mayoria a wordo cera, pa nan forma nan ta warda nan cuminda no ta e forma
corecto y tambe parti di limpiesa ariba nan, cu ainda mester pone atencion

ariba dje. E parti di limpiesa ta keda un fayo. Pa Departamento di Salubridad
Publico, 20% ta hopi. Nan lo sigui traha ariba e educacion y yudanan pa nan tin

mehoracion a base di terenonan di limpiesa, di con mester warda nan cuminda,
temperatura, cosnan cu ta risico pa e cuminda, cu ta haci e cuminda di menos
calidad y no di bon calidad, segun Sra. Yvette Geerman, di Departamento di

Salubridad Publico.