Page 49 - MIN ON_Neat

ORANJESTAD - CEO di Aruba Tourism Authority SG, Ronella TjinAsjoe a desmenti na
NoticiaCla cu elo ta subiendo lista di e partido berde AVP. Esaki ta a raiz di un posting
riba FACEBOOK cu elo ta haciendo tal. Ta for di diabierna e posting aki ta riba
FACEBOOK, bou di e account 'Transparencia' cu e mensahe cu 'directora di ATABANK
ta # 5 riba lista di AVP', y mas abou 'por la plata baila el mono'. E ta un account cu tin
menos di 1000 persona como miembro y ta post cosnan negativo di e partido den
gobierno. "Mi a tuma nota di un "sponsored ad" riba Facebook insinuando cu mi ta
bay subi un lista politico. Mi ta desea di aclara cu esaki no ta berdad" Tjin-Asjoe a bisa
e portal aki diasabra mainta. El a bay mas leu. "Mi a wordo aserca di tur banda pa
considera politica, y mi a haci e evaluacion. Mi ta agradecido pa e confiansa den mi,
pero a dicidi di sigui yuda mi pais di es manera cu mi ta haci'e awor" e CEO a bisa
finalmente. E dianan aki tin varios persona ta postulando nan mes riba lista di
partidonan politico, na caminda pa e proximo eleccion. Den cuadro di esaki, e posting
aki a tuma lugar. TjinAsjoe a comenta cu ela wordo masha hopi acerca relaciona cu e
posting aki, pero ta desmenti categoricamente cu tin algo di berdad den esaki.