Page 53 - FDLP

Rebecca Jansen Y Giannon Eights A Logra Triunfa

Den Off Road Aquathlon

 Deporte

 Featured
- 01/03/2020

Recientemente Aruba Triathlon Association a logra organisa un otro evento exitoso cu e
Off Road Aquathlon. Mey-mey di tur e furia di Carnaval, e participantenan a yega e
competencia di aquathlon.

Mester bisa cu den e Off Road Aquathlon Sprint e participantenan mester a inicia e
evento cu un recorido na pia di 4.4km pa despues landa un total di 750m pa despues
finalisa e evento cu un careda na pia di 2.6km.

E landamento a tuma lugar den e awanan di Arashi, mientras e careda na pia a tuma lugar
riba e beach di Arashi, mientras cu a pasa patras di Lighthouse. Pa loke t’e resultadonan
final mester bisa cu den categoria Sprint, Giannon Eights (39:13) y Rebecca Jansen
(55:08) a logra un di prome lugar.

E proximo evento di Aruba Triathlon Association lo ta 7 y 8 di maart, e biaha aki 7 di
maart cu un Kids Aquathlon na Roger’s Beach na San Nicolas, mientras pa su mañan lo
tin un Triathlon na Boca Catalina celebrando Dia Internacional di Hende Muher.