Page 34 - flip
P. 34
Bucuti y Tara Beach Resorts ta sigui inverti den nan
empleadonan
Posted on 03/31/2015 7:25 pm AST | Updated on 03/31/2015 7:52 pm AST
ORANJESTAD — E siman aki un grupo nobo di 17 empleado a cuminsa tuma les
pa nan tambe haya nan certificacion di e programa “Mi Compromiso cu Aruba”. E
programa educacional aki, cu a wordo crea dor di gobierno di Aruba y Aruba
Tourism Authority (ATA), tin como meta pa mehora nivel di conocemento y
consistencia pa loke ta informacion di nos isla cerca esnan cu ta labora den nos
industria turistico, cu enfoke riba excelencia y sostenibilidad. Bucuti di su banda ta
kere cu inversion den empleadonan individual ta produci embahador nan motiva di
nos dushi Aruba. Desde cu a introduci e programa di certificacion 'Mi Compromiso
Cu Aruba', Bucuti & Tara Beach Resorts a certifica mas cu 50 porciento di su
trahadornan y management.
RECURSO HUMANO
"Nos empleadonan ta un di recursonan mas importante pa motibo di e conocemento y e
nivel di servicio cu nan por duna na nos huespednan", asina Ewald Biemans, propietario
y managing director di Bucuti ta declara. "Nos ta kere den importancia di e programa aki
y ta sigur cu cu e lo resulta den servicio excelente den industria turistico riba henter nos
isla. Siman aki nos a cuminsa nos di seis ciclo di training cu lo dura tres siman na e hotel.
Y nos lo continua duna e training aki te dia cu henter nos team tin nan certificacion."
PROGRAMA DI CERTIFICACION
Programa di certificacion 'Mi Compromiso Cu Aruba' no solamente ta duna enfoke riba e
landmarks riba nos isla, pero tambe ta duna atencion na e capitulonan mas importante di
Aruba su historia. Durante lesnan ta duna atencion na Aruba su recursonan natural, nos
cultura y atraccionnan y con pa duna un nivel mas halto ainda di servicio. Tambe ta
amplia concientisacion y desaroyo personal di e cursistanan, introduciendo cerca nan e
aspectonan mas importante di sostenibilidad y kico esaki lo nifica pa Aruba su desaroyo
den futuro proximo.
E curriculum di 'Mi Compromiso Cu Aruba':
