Page 9 - bon-dia-aruba-20180127

A9
REINO Diasabra 27 Januari 2018
Restauracion rif di coral importante pa naturaleza y entrada

THE BOTTOM - E restauracion y proteccion di e
clima di e rifnan ta keda un punto central pa e Saba
Conservation Foundation. Esaki segun Ayumi Kura-
mee, funcionario y coordinado cientifico di Saba Bank
Management Unit.

“80 porciento di e rif te ainda ta stabiel y e proyectonan cu e
habitat artificial ta zorg pa e rehabilitacion di e rifnan”, segun
sr. Kuramee. E Saba bank ta un zona di biodiversidad di pisca,
coral, alga y spons, y cu 2.200 m2 un di e mas grandinan den
mundo.

E Saba bank ta zorg pa dos entrada di mas importante pa Saba,
esta piscamento y buceo. Es decir, piscadonan ta depende di e
rif. Por ehempel, tin hopi kreeftnan Caribense y tambe entre
otro e Red Snapper.

Turismo di buceo
E industria di buceo ta depende di e parke submarino. “Tin
hopi sorto di tiburon, manera e tiburon di rif y e asina yama
Nurseshark. E tipo di tiburonnan aki ta atrae e turistanan”,
segun sr. Karamee. E meta di e fundacion ta pa e Saba bank
bira resistente contra cambio di clima. Nan ta studia kico ta
mas importante pa e rif y asina bira resistente contra cambio
ecologico y horcannan, manera Irma y Maria. Pa es motibo
nan ta enfoca y colecta data cientifico fundamental pa un bon
maneho segun e fundacion
Cambio di clima
Manera tur eco sistemanan di lama, e rif tambe ta sinti e efec-
tonan di aumento di temperatura global cu ta daña e coral,
pa motibo cu e oceano ta bira mas acido. Un otro menasa
ta e barconan di petroleo cu ta nabega banda di e rifnan y e
crecemento di alga. Tambe tira anker, piscamento ilegal y e
Lionfish ta afecta e rif.

Universidad di Wageningen y e instituto di Marine Resources
& Ecosystem Studie (IMARES) a studia e eco sistema di e rif
na 2014. E meta di e estudio tabata pa duna Saba Conservation
Foundation conseho riba e cuido di Saba Marine Park.