Page 16 - BNDIA ARUBA

A16 HENDE
Diaranson 16 Mei 2018

Concierto Nico Connor & Friends pa Dia di mama

ORANJESTAD - Den weekend cu a pasa, a
tuma luga den Teresita Center, ‘A concert for
Mother’s Day by Nico Connor & Friends’.

Un concierto cu Nico Connor artista grandi den
musica steelpan, ta presenta pa di dos biaha special-
mente pa tur e mamanan.
Sr. Connor hunto cu su friend nan den musica;
Etty Toppenberg, Eltienne Yarzagaray, Shurby
Maria, tambe Ivan Quandus y rumannan Eugene
Jones y Lee Connor, a sa di duna un presentacion
riba e anochi bunita aki, treciendo un tremendo
ambiente den e sala di Teresita Center, unda e ma-
manan a lanta baila y gosa nan anochi.
Durante e anochi aki, Nico Connor a presenta su
album nobo su CD ‘Nos Tesoro’ Crioyo Vol. 3.
Bautismo di e CD a wordo haci pa Harry Croes
y Stanley Dabian, dos persona dedica na Cultura
di Aruba y cu semper a sa di duna sr. Connor nan
apoyo total pa cu su musica di steelpan.
Tambe tabata presente Gloria Connor Thomas,
mama di Nico Connor, cu no ta un desconoci den
nos comunidad, den pasado a dedica su mes hopi
na musica como maestra di piano clasico y areg-
lista di Aruba Invaders Steel Orchestra, cu tabata e
steelband dirigi pa su casa e legendario Edgar Con-
nor, tata di Nico Connor.
Sra. Connor Thomas a disfruta di e anochi y tabata
hunto cu sr. Connor riba escenario, na momento
di bautismo di e CD Nos Tesoro Crioyo Vol 3., cu
por cierto tin un cancion dedica na dje cu ta hiba
e nomber ‘Cadena di Oro’, un montuno bunita cu
sr. Connor a dedica na su mama.