Page 3 - lotto
P. 3
Arubox lo celebra Himno y Bandera cu un festival di boxeo
Friday, 20 March 2015 15:06
Comparti
E federacion di boxeo, esta Arubox lo celebra nos Dia Nacional Himno y Bandera cu un evento di boxeo
combina cu un festival. Ya for di den oranan tempran lo inicia cu un benta di cuminda tipico esaki
cuminsando 11or di mainta.
Durante di henter e dia lo duna demostracion di boxeo na e bishitantenan cu bin presencia e evento, lo
mustra con ta warming-up pa un pelea, padding y bisti glove. Na e mesun momento lo bay tin tambe
eventonan cultural. Pa 6.30 exacto lo cuminsa cu e programa di boxeo unda nos boxdonan local lo midi
forsa contra di otro.
Mester bisa cu lo tin bishitantenan tambe di exterior cu lo duna e evento boxistico un toke
internacional. Un y tur ta keda cordialmente invita pa pasa Centro Deportivo Betico Croes 18 di maart y
admira e festival di boxeo celebrando nos Himno y Bandera.
Un danki sigur na Lotto, e Loteria di Aruba pa medio di Comision di Subsidio cu a subsidia e evento di
boxeo Himno y Bandera.
Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio.
