Page 14 - ARUBA BANK
P. 14
Diadomingo mainta Mary Joan Foundation tabatin nan “Light up the Path Fun Walk & Run” cu a sali y
termina na Plaza Betico Croes. E evento aki ta uno anual cu Mary Joan Foundation ta organisa y Aruba
Bank a join nan cu e meta di conscientisa tur hende pa sostene e pashentnan/sobrevivientenan balente
di cancer di pecho y tambe a recorda esunnan cu a fayece. Hopi persona a participa na e evento aki
unda nan a mustra nan sosten na esunnan cu ta batayando e cancer y a recorda esunnan cu no t’ey mas.
Aruba Bank a conta cu boluntarionan pa yuda na e caminata di Mary Joan Foundation. Hopi participante
tabata cana y core, pero tabatin algo ros cu nan. Desde 6:00am e participantenan a cuminsa registra y
tabata ansioso pa cuminsa cana.
Pa 7:30am Denise Krosendijk, empleada di Aruba Bank, boluntariamente a duna un sesion di Zumba na e
participantenan. Asina aki a termina e mainta, unda cu tur hende a forma parti di e bunita evento aki y a
sa di ilumina tur caya den playa. Mary Joan Foundation ta gradici tur e sponsorsnan cu di of otro manera
a contribui na e “Light up the Path Fun Walk & Run”.
