Page 2 - FLPD
P. 2
Diasabra, 3 Februari 2018 AWEMainta 29
Deporte
Hungadornan di SV Britannia
ta bay hasi try-out na Hulanda
cu FC Twente y FC Utrecht
FOR di dia 3 di februari 2018 ta sali pa Hulanda 4
hungador di Aruba pa bay un hasi try-out cu ekiponan
profesional di futbol.
Aki ta trata di hungadornan:
Moises Castro di Britannia
Kyle Budhu Lall, di Britannia
Xander Wouters, tambe di Britannia
Etan Tromp di Bubali.
E try-out lo tuma lugar entre 5-13 di februari y nan lo
regresa Aruba dia 14 di e mesun luna.
Aña pasa algun di e hungadornan aki a wordo aserca
pa teamnan Mericano pa keda na Merca, pero pa dife-
rente motibo no por a logra w peticion aki.
Awor a presenta e oportunidad pa hasi tryout na
Madre Patria Hulanda.
Tur cuater hungador lo train cu e team oficial den nan
sección di nan categoria y nan lo hunga 2 wega oficial
tambe. Den e seccion di trainingnan y weganan aki e
coachnan prinsipal di FC Twente y FC Utrecht lo ta
presente pa observa e talentonan di Aruba. Tur cuater
hungador tin talento di sobra pero lo no ta un tarea
fasil na Hulanda.
E hungador/nan cu wordo escogi por regresa Aruba
y prepara malete pa bai bek Hulanda den luna juli
2018. Tur cuater hungador lo keda den hogarnan di
FC Twente y FC Utrecht, e famianan aki nan ta yama
kostgezinnen, cual ta famia di e respectivo teamnan cu
ta hospeda posibel talentonan.
Un danki ta bai na AVB y su Presidente, sr. Richard
Dijkhoff, sr. Martin Koopman cu a hasi tur e contac-
tonan na Hulanda, na directiva/comicion di SV Bri-
tannia y na su Presidente Sr. Cedric Werleman y na e
coach Luis “Coco” Estrada.
Nos ta desea tur e cuater hungadornan aki exito y per-
siverancia na Hulanda y confia den Dios pa tur cos.
