Page 8 - Garage Cordia

Aruba Bank ta invita clientenan pa “test drive” y aporta na
Turtugaruba

Wednesday, 20 May 2015 18:36
Comparti

Riba dia 23 di Mei proximo, for di 9’or di mainta pa 3’or di atardi, Aruba Bank ta uni cu Yrausquin y Ford
Test Drive Event.

Ta invita clientenan y futuro clientenan interesa den test drive e modelo di auto Ford Fusion, C-MAX,
Ecosport, Escape of Explorer pa bishita e showroom y pa cada test drive Yrausquin lo haci un
contribucion di US$ 20 na Turtugaruba.

Turtugaruba ta un fundacion cu lasonan internacional cu ta haci un trabao valioso di salvaguardia e
populacion di turtuga pa medio di proteccion di e turtuganan ora cu nan bin na tera pa pone webo y ta
yuda tambe pa cuida nan neishinan y monitor ora cu e babynan ta bay lama.

Aruba Bank ta contento di por ta parti di e evento aki. Como parti di e celebracion di 90 aña e banco ta
ofreciendo un interes special pa tur cliente cu cumpra nan auto e dia ey di 8,25%, (interes efectivo 8.3% -
8.33%) mientras cu ta duna 90 dia di “buy now, pay later” (cumpra awe, cuminsa paga despues) na tur
cliente y futuro cliente cu ta desea di haci un prestamo pa un auto nobo na e Ford Test Drive Event. Ta
bon pa menciona cu clientenan cu cumpra un auto di Afl. 50.000 of mas, por scoge e pakete conviniente
pa paga den 6 aña.

Aruba Bank ta uni na Yrausquin y Ford cu e invitacion pa tur esunnan interesa den haci un test drive pa
tuma contacto cu Yrausquin na telefon 524-4444.

http://www.24ora.com/local-mainmenu-5/95349-aruba-bank-ta-invita-clientenan-pa-test-drive-y-
aporta-na-turtugaruba