Page 12 - bon-dia-aruba-20220818

a12 riba caya
Diahuebs 18 augustus 2022

Dos auto ta accidenta na Caya Betico Croes

Riba Caya Betico Croes banda di Wu Di supermarket pa bay
rotonde Tarabana a sosode un accidente entre un Nissan Ver-
sa y un Nissan Pathfinder, di biaha patruyanan ta presenta na
e sitio. Debi na e impacto cu e airbag di e Nissan Versa a sali a
dal den cara di un señora di edad cu a lage herida y ambulance
a keda solicita pa paramedico atende cu e victima. Polis di traf-
ico tabata presente pa tuma dato di e accidente y a combersa
cu e chauffeur di e pathfinder pa saca afo kico a pasa y a duna
su declaracion cu e señora den e versa tabatin su señal poni pa
bay lora na su man robes cu consequence cu a pone cu el a
subi caminda y asina e auto a sigui straight dal den dje.

Homber problematico a lanta cu bisiñanan na Ponton

Habitantenan di Ponton a hayanan confronta cu nan bisiña
problematico cu ta conoci pa polis a lanta cu nan y a cuminsa
te hasta tira boter riba e personanan. Debi cu ta un persona
peligroso pa arma y ya a yega di haci entrada hudicial un biaha
a bay algun patruya mas pa duna un man. E homber a cuminsa
resisti cu polis y motibo cu a bay over na su detencion pa bay
warda cune y e calma. Polis a tuma dato for di e habitantenan
cu a sintinan menasa.