Page 48 - KPA 23 JULY 2015
P. 48
ickup ta huy pa polis y bolter den Rooi
Frances
Thursday, 23 July 2015 08:09
Comparti
Diahuebs mainta banda di 6or a sosode un accidente basta serio. Polis di San Nicolas riba caminda grandi
direccion pariba a topa un pickup biniendo di direccion contrario.
Un pickup Isuzu color blauw. E pickup aki banda di Winter Garden a bin riba e auto di Polis coriendo
malo riba caminda. Polis a desvia pa evita un desgracia. Polis a lora bai su tras direccion Playa. E duna
instruccion pa e stop pero e chauffeur a dicidi otro. El a duna gasolin y purba huy nengando ordo di Polis.
Banda di rotonde Pos Chikito el a lora rechts direccion Sabana Basora y sigui pa Rooi Frances. Den Rooi
Frances el a dal den un pida sero y despues bolter y medio dal den palo di luz. E pickup a keda riba su
cuater wielnan. E chauffeur a wordo saca di auto. E ocupante tambe tabata herida. E chauffeur tabata mas
grave. Mesora a pidi pa ambulance pa presenta na e sitio. Dos ambulance a yega mesora. Dokter Kopmans
di Marniers Kazerne a duna asistencia y a mira e gravedad di e persona benta abou. Den dos ambulance y
bou vigilancia policial a hiba ambos persona pa Hospital. E auto a keda confisca. Probablemente na
Hospital lo a detene ambos persona pendiente investigacion. Aki por mira cu nenga e ordo di Polis a sali e
dosnan aki di malo.
