Page 23 - AVB

Na minuut 76 Shemar Monticeuex a penetra den area penal di Nacional na banda robes y

a los un tiro violento pero e tiro a desvia na banda drechi, un chens cla.

Na ultimo dies minuutnan e wega tabata mas bien awo un ‘toma y dame’ entre dos

gigante, Nacional mas peligroso ainda cu un Devis Oliveros cu a cuminsa los y drenta

mas den atake, pero di otro banda un tremendo wega defensivo di Paul Nickenson cu a

sabi di kibra hopi atake na su banda, ademas di a neutralisa Kenroy Ranger tambe den e

proceso, sin duda Nickenson tabata e strella di Dakota den e wega aki y nos ‘Man of the
Match’ tambe.

E ultimo 5 minuutnan ta Dakota a domina y a purba sorprende Nacional cu hopi guts

riesgando contra-golpi di e Dragon nan y den un di nan mes den tempo addidional

Oliveros a hera dicidi e wega cu un tiro duro riba gol pero Kaarsbaan ta salba Dakota,
den e rebote ta Emerson Leocadio ta tira afo tambe. Asina wega ta caba tambe cu

bastante yegada di ambos ekipo, bon trabou di e dos porteronan tambe. Pitazo final, un

wega cu bon arbitrahe tambe, digno di un partido di final, borchi a indica un empate, pero

un empate di oro, un bunita wega di dos bon ekipo cu t’asina diferente toch.

Nos no kier warda mas pa e di dos wega, cu lo bay tuma luga Diamars venidero dia 3 di

Juli na stadion Guillermo Trinidad. Si tin un ganado e anochi ey, nan lo corona campeon,
si en caso tin empate atrobe, lo bay tin un di tres wega. Keda pendiente!

http://24ora.com/final-di-division-honor-entre-nacional-y-dakota-a-cuminsa-pero-sin-ganado-ainda/