Page 19 - Extra- 14 februari 2018.pdf

Djarason 14 Febrüari 2018 19

MUNDU DEPORTIVO

Lesadónan di Extra Slowpitch bon dia. Felis dia di
San Valentino i kòrda dediká na boso ser kerí. Wikènt
aki Sòftbòl ta kuminsá i ta hopi tempu ta keda banda
di tereno, ke mèn dediká awe promé ku kosnan start.
Ayera tabatin Marcha di Despedida i temporada di
Kuaresma a start, ku otro palabra bai poko poko. Extra
Slowpitch a risibí skèdjel di tentativo di Torneo Premier
2018. Ekipo Building Depot a kai afó i mester di un
ekipo urgente pa sera e pulnan di Soshal Maskulino.
* * * * *
Torneo Premier ta start kayente ku ekipo Pitufos
kampion Torneo Survivors topando ku Ban Serio djas-
abra 17 di febrüari pa 13.30’or riba tereno A aya na
Suvek. Práktikamente tur wega di Soshal Maskulino lo
ta riba tereno B di Suvek Ballpark. Artemisia lo hunga
kontra Marlins ku lo presentá den gran forma ku nan
...Tutuchi La Croes, Bombers...
hungadónan nobo. E wega aki ta 10’or di mainta i Jaws
lo dal den Mon Repos Sluggers pa 11.45’or. Djadumingu
awor no tin wega di 50+ den e Torneo Premier 2018.
* * * * *
Hopi siguidó di Liga 50 ta pendiente pa e moveshon
di Beer Adelina, ku ta den direkshon di Marlins òf ekipo
Ban Serio. Beer tabata den Ban Serio kaba pa vários
temporada promé ku e tabata hungadó. Beer Adelina
tabata manager di Ban Serio i despues a bai den kuerpo
tékniko di Pitufos temporada 2016. 2017 Donald ‘Beer’
Adelina a hunga ku ekipo Flamboyan i yuda hiba e eki-
po pa final di Liga 50. Den final Ban Serio èks ekipo di
Beer a gana Flamboyan den dos wega pèrtá.
* * * * *
...Sjoerd Eendragt i sra. Sòftbòl Soshal... ...Shendy Cras, Santa Rosa Memories...
Kòrda ku ta djabièrnè Torneo Premier ta start ku tres
wega na Suvek Ballpark. Dos wega di Soshal Maskulino,
siguí pa wega di COED. E fuerte ekipo di Refineria isla
Soshal Maskulino lo sali kontra APC/ICTUAL/IT. Isla
tabatin un ‘dream team’ den Torneo Survivors, pero a
keda sorprendé pa SBAB den final ku skor di 2-0. Keda
pensa semper ku kada un wega ta un wega. Bo ekipo
ta presentá poko kansá, keda sin bati òf sin konektá e
bataso na momentu oportuno òf kometé eror na e mo-
mentunan krusial, anto ta yama ayó e ora ei.
* * * * *
CITCO lo topa ku MCB den wega number 2 di djabièr-
nè awor. CITCO ‘back in town’ i un tempu super kampion
den Sòftbòl Soshal Komersial tantu den Femenino komo
...Sherwenne Antersijn, Santa Maria Pirates... ...Tico Libiee dirigente FC De Koning... Maskulino. Ta CITCO, MCB, Selikor i SBAB ta ekiponan
ku mas tantu título. Nos ta kere ku SBAB tin mas título
ku tur otro ekipo. Ta nan a kuminsá ku e torneo mas
o ménos aña 2006/2007. Den e último wega Banco di
Caribe lo enfrentá SBAB den kategoria COED.
* * * * *
Ayera nos tabata kantu di kaya atrobe na
Rooseveltweg pa mira nos deportistanan move den kaya
tantu den grupo, p’afó di grupo, komo músiko òf ayu-
dante. Un Marcha eksitoso apesar di tur kos, áwaseru,
gruponan ta yega lat pa sali etc. Gewoon treiler-, lider-,
partisipante-, músikonan mester yega tempran. Punto!
Si bo ta grupo number 20, si bisa ku ta 9’or mester tei,
mester sòru pa tei. Ora bo kere bo ta yega 11’or i start
number 20 ta bira difísil pa move den e tráfiko pa yega.
E tráfiko di 8’or/9’or di mainta ta kompletamente otro
for di esun di 11’or.
* * * * *
Tin wega di Modified tambe wikènt awor riba
tereno A. Ekiponan den Modified ta Bombers, Nada
Nota Pasando, Astros, X-Treme, Cicoza, Dream Team,
Quisqueya, Thrillers ets. Great ku por haña ekiponan
di Modified den Torneo. E parti di Modified i Liganan ta
kayendo atras último añanan. Nos a tuma nota di otro
nòmber pekuliar den Slowpitch ku ta ekipo Nada Nota
Pasando. Extra Slowpitch tur dia. Nos ta keda te aki pa
awe. Felis Dia di San Valentino un biaha mas i te mañan
...Roderick Sambo, Luigino Domacasse, i Kurby Brunken... ku Poder di Dios.