Page 40 - Extra- 14 februari 2018.pdf

40 Djarason 14 Febrüari 2018
Ayera Sitkom a
lanta for di mesa di
negoshashon
Reunion

di dia 22

benidero hopi

importante pa
Sitkom

WILLEMSTAD. – Reunion
di dia 22 di febrüari benidero
ta hopi importante pa e
sindikato di e trahadónan
di UTS Sitkom. Ayera
tabatin un reunion ku no a
kondusí na nada i esaki a
pone ku Sitkom a lanta for
di mesa i bai.
Vise Presidente di
Sitkom, Sr. Cedric Isei, a
splika ku partidonan na
mesa no por a yega na un
palabrashon.
Cedric a splika ku nada
no a sali afó i nan a sali
hopi desapuntá for di e
reunion. Un di e puntonan
ku partidonan no por
a haña otro riba dje, ta
kiko ta bai sosodé ku e
proseso ku ta andando
aktualmente. Segun e
komishon, e lo wanta
e proseso, pero ora ku
puntra kiko e komishon ke
men ku wanta e proseso,
e kontesta ku Sitkom ta
haña no ta satisfaktorio.
E sindikato ta sinti ku
si nan bai di akuerdo ku e
loke ku gerensia di UTS ke,
esta pa wanta e proseso, ta
meskos ku para e proseso
i e último aki nan no ta
aseptá.
Esaki a pone ku ora e
sindikato tabata hasi su
preguntanan pa sa kiko
ta e loke ku di bèrdat ta
bai sosodé i ku nan no
ta hañando un reakshon
satisfaktorio, a pone ku
nan a lanta for di mesa.
Siktom ta kombensí
ku e loke ku UTS ke men
ku wanta, ta stòp ku e
proseso esta ku e proseso
di retironan boluntarionan
no ta subi mesa mas.
Dia 22 di febrüari
benidero lo ta un dia
importante pa Sitkom,
esta ku e dia ei Sitkom
lo sinta na mesa ku
e komishon di tres
persona i tambe e hunta
di komisario. Akinan lo
trata di wak ku por haña
otro i asina pone un fin na
tur e spekulashonnan i e
insiguridat di trahadónan.
Te na e momentunan
Sigui lesa pagina 42