Page 48 - Conb min.vos

AWEMainta Dialuna, 23 Februari 2015 7

Un ARBO-wet

tin beneficionan

pa Aruba

MINISTER di Asunto Social y Trabao a anuncia recientemente

di un proceso pa yega na un renobacion di leynan di seguridad
y salud pa trahadornan na Aruba, un Ley di Arbo.
Nos “veiligheidverordening” y leynan pa proteccion di
trahadornan ta n’e momentonan aki antigua y merece un
revision completo. Leynan cu ta protehe salud y seguridad di
trahadornan manera Minister a splica anteriormente lo subi e
productividad, como cu e trahador lo traha den un ambiente
mas sano y sufri menos desgaste of accidente.

IMPLICACIONAN FINANCIERO
Cu introduccion di un ley integral di salud y seguridad (unda
lo inclui Departamento di Salud Publico, Dienst Technische
Inspectie, SVb, Departamento di Labor) e efectonan financiero
pa nos pais lo ta visibel. Nos ta papiando di menos accidente na
pia di trabou cu finalmente lo resulta den menos personanan
(cu limitacion fisico) cu no por traha, según Minister drs. Paul
Croes.

ARBODIENST
Alabes e introduccion di un ARBO-dienst lo mester controla
e ehecucion efectivo di e leynan aki. Eventualmente mester
pensa riba multanan pa companianan cu no cumpli cu e leynan
cu lo keda introduci. Minister drs. Paul Croes a mustra cu e ley
mes ta den un fase inicial, pero cu ya caba tin diferente ley cu
ta proteha e trahador den un of otro forma, pero cu e ARBO bo
ta centralisa tur esaki den un solo ley.

Parlamento di Aruba, bou di iniciativa di Parlamentario Donny
Rasmijn a boga hopi tempo pa un ley pa proteccion y salud di
e trahadornan na Aruba. Poco poco e proceso aki ta mirando
desaroyo den forma positivo pa nos pais.
Minister drs. Paul Croes di Trabao a bisa cu lo envolvi
Parlamento di Aruba tambe den e proceso na momento cu
esaki t’asina leu, finalmente Parlamento lo mester dicidi riba
e ley aki.

Departamento
recurso humano

CERA AWE

DEPARTAMENTO di diamars 24 di februari
durante orario normal.
Recurso Humano (DRH) Staf y personal di DRH ta pidi
ta cera awe dialuna 23 di disculpa pa e inconveniencia
februari pa publico pa motibo y ta yama tur cliente danki pa
di luto. e comprension.
DRH lo ta habri bek mañan