Page 36 - VOS
P. 36
28 AWEMainta Diamars, 16 Februari 2016
Un victoria sorprendente
Sv Britannia ta gana
facil contra FC San
Nicolas cu score di 8-0
DEN continuacion di campeonato di AVB 2015, Sv Britannia ‘Frisian Flag’ a
enfrenta FC San Nicolas den e prome wega di segundo ronda den Compleho
Deportivo Guillermo P. Trinidad, unda cu Lionel Kaarsbaan a haci su debut cu e
Pumanan di Piedra Plat.
E aliñacion di Sv Britannia ‘Bright Bakery’ a cuminsa cu ne ta; Lionel Kaarsban
den gol, Luis Murillo, Jean Marc Farro, Theric Ruiz y Miguel Gutierrez den
defensa, Johnatan Ruiz, Margin Kock, Renier Paraez den medio campo y Sebastian
Montoya, Luis “Coco” Estrada y Jean Claude Farro den delantero.
Riba banki pa Sv Britannia ‘Gatorade / Vitamalt’ tabatin; Kendrick Dania, Derwin
Donato, Carl Geerman, Carlos Caro, John Lugay y Cristian Navarro.
Den di prome ronda Sv Britannia ‘Pizza Hut’ tabata sa di gana 5-0 y awo e score
a bira un tiki mas halto. E golnan di Sv Britannia Frisian Flag a wordo anota pa;
Sebastian Montoya 3 biaha, Luis Estrada 1 biaha, Luis Murillo 1 biaha, Margin
Kock 2 biaha y John Lugay 1 biaha. E unico carchi geel di Sv Britannia ‘Gatorade
/ Vitamalt’ a bay pa Jean Marc Farro. E cambionan cu tabatin ta; Carl Geerman a
drenta na luga di Luis Murillo, Derwin Donato na luga di Theric Ruiz, Carlos Caro
na luga di Renier Paraez, y John Lugay na luga di Jeam Marc Farro.
Di e forma aki tambe Sv Britannia ‘Bright Bakery’ ta keda mantene e di dos luga
riba tabla di posicion cu 25 punto den 10 wega hunga.
