Page 32 - HOSPITAAL

Si nos papia di hospital mes tur cos ta canando nechi. A cuminsa algun aña pasa den e

proceso di renobacion y expansion. Segun director Ezzard Cilie, tin cu bisa cu e

comunicacion, cooperacion mester ta mucho mas estrecho entre hospital y e partnernan.

Partnernan ta gobierno, SOGA y e fundacion hospital.

Awor aki tin demasiado discusion andando cu eigenlijk, si tabata tin un otro tipo di
acuerdo lo a keda cla mucho mas lihe y ta loke a pidi minister tambe, pa duna su

atencion, pa mira con pa yega na un otro tipo di acuerdo. E ta casi como si fuera cu Cilie
no tin nada di bisa den hospital. E ora e por coy su caminda bay laga SOGA y Gobierno.

Fuera di esey aña pasa nan a tuma un ley nobo di kwaliteitswet, unda cu ta poni masha

cla cu Cilie ta carga e responsabilidad di hospital. Con e por carg’e si esnan responsabel

no ta comunica den e sentido ey. Mester fix esey y ta bezig na e nivel mas halto cu
gobierno, esta cu minister, pa yega na un convenio con pa sigui bay dilanti.

FALTA DI COMUNICACION

Ezzard Cilie ta sigui bisa cu e no tin nada di haber cu cambio di gobierno. Hecho ta si cu
a warda e gobierno sinta, presenta e problema manera cu e ta y pidi e gobierno pa haci

algo, pasobra no por lag’e na encargo di hospital so. Hospital tey pa cuido. Pero si doño

di e edificio, esun cu ta huur’e y determina kico cuido ta, e ora tin un problema grandi

pasobra ningun di dos tin e experticio di cuido pa nan por ta responsabel pa esey

tampoco.