Page 11 - BNDIA AUA

a11
OpiniOn/analisis Diabierna 27 OctOber 2017

Halloween ta cuminsa awenochi

ORANJESTAD - E weekend aki Aruba ta celebra su weekend di Halloween,
cuminsando awe nochi na diferente clubnan nocturno. Halloween ta un fi-
esta cu ta wordo celebra tradicionalmente na Irlanda, Reino Unido, Merca
y Canada, pero tambe mas y mas na Hulanda y otro paisnan Europeo. Na
nos isla e ta masha popular pa basta aña.

Halloween ta wordo celebra oficialmente riba dia 31 di october. E nomber Hallow-
een probablemente ta distrai di Hallow E’en, of All Hallows Eve (All Saints Eve-
ning), na papiamento; nochi di tur Santo.

Historia chikito
Na Gran Britania e fiesta tawata wordo celebra pa e Celtas. Nan tabata kere cu riba e
dia aki (dia 31 di october), e spiritonan di tur personanan cu a fayece e aña ey, tabata
bin bek pa trata di hereda un curpa bibo pa e proximo aña. E spiritonan tabata wordo
atrae pa e cuminda cu personanan tabata colga na porta. Sin
embargo, pa proteha nan mes pa spiritonan malo, nan tabata
bisti mascara.
Den e siguiente siglonan e tradicion a wordo mescla cu esun
di e Romano, cu tabata celebra e cosecha fin di october, y
tambe pa honra e fayecidonan.
Na Merca e fiesta a aumenta specialmente den e segundo mita
di e siglo XIX, ora gruponan grandi di inmigrante di Irlanda y
Schotland a ingresa den e pais. Na Merca a aparece e famoso
Jack-o’-lantern, un calabas ahueca, cu ta parce un cara. E ta e
simbolo di mas famoso di Halloween rond mundo.