Page 9 - MIN ON - AUG 10,2015

10 AWEMainta Dialuna, 10 Augustus 2015

Minister
Paul Croes
ta apoya nos
muchanan cu
95 tas di scol

DIABIERNA y diasabra ultimo Radio Caliente FM

hunto cu Fundacion pa nos Comunidad (FPNC) a
organisa un radiothon p’asina apoya nos muchanan cu
ta cuminsando un aña escolar nobo. Durante e evento
aki comunidad por a aporta den diferente forma y esaki
a sosode tambe. Minister Paul Croes di Asunto Social
y Hubentud tambe a forma un equipo p’asina apoya e
iniciativa aki. 95 Tas di scol, cu linial, etui, potlood cu
pen etc., tabata locual e team di Minister Paul Croes a
logra obtene p’asina haci e donacion aki na FPNC.

Minister Paul Croes a gradici trahadornan di Total
Services, sra. Landa Ras, sra. Bechi Mansur, sr. Giovanni
Capriles y tur e comerciantenan cu a reacciona positivo
riba e peticion pa yuda nos muchanan. E balor di e
cantidad di articulonan cu Minister Paul Croes a otorga
ta alrededor di 5000 florin na material. Un apoyo
importante pa nos muchanan. Un gesto kizas chiquito,
pero cu tin un efecto grandi riba e muchanan cu ta biba
cu menos recurso.

Minister Paul Croes a felicita Radio Caliente FM su
equipo completo cu e tremendo iniciativa aki, unda a
mustra un bes mas cu sector priva tambe ta apoya nos
fundacionnan na momento cu mester. Un total di grandi
di tas y materialnan escolar y tambe un suma financiero
a keda recauda den e radiothon aki.