Page 7 - AM211203

AWEMainta.com DIABIERNA 3 NOVEMBER 2021| 7

Sindicatonan a tuma decision

Gobierno tin cu kita

e 12.6%; e ora ey

lo sigui negosha

AYERA merdia na sede di SIMAR, e Bloke Sindical a reuni pa
contesta Gobierno riba nan proposicion, pa institui un comision pa
hunto yega na un decision final riba e retencion di 12.6% di salario.
Por a conclui for di e conferencia di prensa aki, cu e ‘Bloke Sindical’ a
anuncia cu nan a dirigi un carta na Gobierno, caminda ta informa cu
nan lo ta dispuesto pa forma parti di e comision, pero Gobierno lo tin
cu kita e 12.6% entrante awe, esta per direct. Unabes cu esaki sosode,
lo sigui negocia riba demas puntonan cu nan tin pendiente. A duna
Gobierno te awe tardi 5’or pa haya un contesta positive.
Bloke Sindical ta spera di haya un noticia positivo awe for di Conseho
di Minister. E sindicatonan no a bisa kico lo sosode, si no haya e
reaccion desea for di Gobierno.

Den un eleccion preta
Rodney (Rufito) Solognier a keda
re-eligi como Presidente di SPA

TABATA un dia largo y no tabata un
eleccion facil, pasobra e candidatonan pa
puesto den e sindicato a haya hopi sosten y e
resultado tabata “cabes cabes” cu otro. Asina
por ehempel e Presidente nobo a haya 42
voto na su fabor, mientras cu su contrincante
tabatin 41 voto!
Tabatin tres candidato cu a pone nan mes
disponibel pa dirigi Sindicato di Polis di
Aruba (SPA), pero tabata Rodney Solognier,
kende a ocupando e puesto den forma
interino na salida di Jose Dirksz, a haya
sosten pa sigui na cabes di SPA.
E eleccion y conteo di voto a tuma lugar na
Club di Polis, POVA, situa na Barcadera. Un
cantidad di polis a yega eynan pa ta testigo
di e proceso democratico aki. Pero, a resulta
cu e conteo di voto a bay cu bastante dolor
di cabes y incertidumbre. Un di e retonan
tabata cu e candidatonan por a postula nan
mes pa mas di un puesto den directiva. Pero,
e miembronan mester a vota pa un solo
puesto pa cada candidato individual. Esun cu
a vota p’e mesun candidato, pero den mas di
un puesto, a consider’e invalido. Esey a pone
cu miembronan a disgusta y a manda yama
Angelo Davelaar, ex-Presidente di SPA, pero
actualmente no activo como Polis, pa bin
aclaria e procedura. Na final a dicidi cu ta
conta tur voto toch.