Page 17 - MIN SJA Jan 26

Dialogo entre Minister Paul Croes y ATIA lo continua

Sunday, 25 January 2015 14:19
Comparti

Durante curso di siman pasa un reunion importante a tuma luga entre e organisacion di comercio y
industria (Aruba Trade and Industry Association) y Minister di Labor drs. Paul Croes.
Durante e encuentro aki ATIA a trece puntonan padilanti cu ta den nan "position paper" riba varios
asunto. Durante e reunion aki (prome di anja 2015), a keda acorda cu cada punto treci padilanti lo
keda discuti y elabora mas amplio cu e organisacion. Gobierno semper tin cu trata na yega na e balance
entre Sindicatonan y dunadornan di trabou. E balance aki ta importante yega na mas productividad y
proteccion di e trahador. Minister Paul Croes a mustra cu enfasis di su maneho lo ta dirigi riba mas
participacion y mas profesionalismo riba e mercado laboral. Alabes a comparti cu ATIA di lo kier crea un
structura paasina por trece nos hobenan profesional bek Aruba cu funcionan cu nan por eherce. Tin
varios punto cu ATIA a trece padilanti cu mester wordo discuti tambe cu sindicatonan. Sr. Michel
Henriquez (Presidente ATIA) hunto cu Sr. Igmar Reyes (Director ATIA), hunto cu nan Hurista tabata
esnan cu a representa ATIA na e reunion aki. Minister Paul Croes a mustra di lo desea di continua cu e
dialogo aki pa asina por yega na otro riba varios di e puntonan trece pa dilanti. Minister Paul Croes a
agrega na final di ta contento cu e postura proactivo cu ATIA a tuma e ultimo temponan pa prepara
topiconan di interes pa nan meimbronan.

http://www.24ora.com/politica-mainmenu-18/91051-dialogo-entre-minister-paul-croes-y-atia-lo-
continua
http://masnoticia.com/productividad-lo-ta-e-enfoke-principal-pa-e-ananan-nos-dilanti-pa-cu-e-maneho-
laboral/