Page 22 - Flip

UPP: maneho di enseñanza di nos pais y
derecho di mucha: maneho incoherente, of
djis maneho di “showboat”

Cu atencion Union Patriotico Progresista (UPP) a tuma nota di e biahe di ministro Paul Croes pa
Ginebra (Suiza) pa asina atende e reunion di Comision di Derecho di Mucha, na unda cu su
persona lo mester bay duna un raportahe di e situacion di Aruba.
E raportahe aki, segun e comunicado, ta forma parti di cumplimento cu e tratado di derecho di
mucha, di cual Aruba tambe ta forma parti.
E minister ta forma parti di e delegacion di Reino Hulandes, y lo mester bay duna un bista riba e
situacion di Aruba pa loke ta nos muchanan. Asina e ta menciona topiconan importante manera
educacion, formacion, salud y participacion di muchanan y hubentud na desaroyo den nos
comunidad.
E minister ta gaba riba e desaroyo integral hiba door di e gabinete actual, y unda cu a bin cu
varios maneho pa atende cu nos muchanan. Tambe pa loke ta nos hobennan.
Riba su mes tabata un comunicado cortico, yen di retorica di bon maneho, maneho integral y
union bou organizacionnan y gobierno, pa asina traha duro na proteccion y cuido di nos
muchanan.
Ora cu nos di UPP analiza e comunicado cortico aki, nos por ripara cu ta trata aki atrobe di
“scucha mi palabranan, y no mira mi echonan”. Pasobra loke nos por observa ta, cu pa loke ta e
derecho di enseñanza pa nos mucha- y hobennan, nos ta conociendo hustamente un retraso.
UPP ta spera cu ora minister Croes ta na Ginebra, e por ta sincero cu e audiencia y no sigui cu
mala maña di “bende hende un 6 pa un 9” manera ta bin ta sosodiendo aki na Aruba.
Nos por ripara un maneho incoherente riba loke ta derecho di mucha, particularmente esun di
enseñanza, y un maneho contradictorio na loke ta derecho di mucha y palabracion internacional,
pa loke ta concerni enseñanza primaria universal, cu e aña aki lo bira tambe e aña di midimento,
manera cu ta tuma lugar tambe den e dianan aki na e Foro di Educacion Mundial na Inchon, Sur
Corea, na unda cu ta discuti e agenda pa Educacion Mundial, adoptando un declaracion nobo pa
cu 2030.
Na e conferencia aki Ban Ki-moon, secretario general di Nacionnan Uni, a accentua cu
enseñanza ta di e mesun prioridad cu e derecho riba salud y empleo, ya cu esaki ta e arma pa
bringa pobreza, opresion y menaza latente di extremismo.
Y kico nos por wak anno 2015 na Aruba?
Minister di Enseñanza sra. Hooijboer, ta acorda cu SKOA pa aumenta e “Ouderlijke