Page 37 - Flip

Sr. Jeffrey Kelly Bon guia y bon informacion na momento di escohe estudio ta esencial pa
nos studiantenan
Wednesday, 27 May 2015 08:52

Comparti

Durante reunionnan di tripartiet na Hulanda, enseñansa tabata un di e temanan cu a bin dilanti y

caminda varios aspecto di esaki a wordo atende. A papia entre otro riba e echo cu ora nos studiantenan
yega Hulanda nan no ta wordo inscribi como residente, sino como studiante.

Esaki tin como consecuencia cu ora e studiante “schrijf uit” na Aruba e no ta “bouw op” pension durante e
periodo cu e ta studia na Hulanda. A palabra cu na momento cu reuni cu miembronan di Tweede Kamer
diaranson mediante den reunionnan di IPKO lo trece esaki como punto di discusion y lo propone pa
inscribi nos studiantenan como residente pa asina evita e A.O.V.- gat.

Pagamento di studielening

A combersa tocante e posiblidad pa tin un oficina centraal di DUO mas serca di cas pa asina por hasi pago
na costonan mas abou (na Corsow tin un stichting cu ta ecarga su mes cu e tipo di casonan aki) y na

mesun momento atende cu problemanan di pago. Segun Parlamentario Kelly e

koers di e Euro cu ta subi baha ta keda un problema. Si e koers baha e studiante lo paga menos ora di bai
cambia placa pa paga e studielening den Euro, pero si e koers ta halto logicamente lo mester paga mas. Un

di e pensamentonan cu a bin dilanti ta pa brinda e posiblidad pa paga e studielening na Dollar na luga di

Euro pa asina fiha y mara e pagamento di studielening na un koers.

Bon guia ora di scohe estudio

E cantidad di studiantenan cu ta cambia di estudio despues di un of dos aña ta halto. Esaki tin como
consecuencia cu e debe cu nan tin cu paga bek na final ta mas halto.

Fraccion di AVP a entrega un mocion caminda cu a urgi Minister di Enseñansa pa percura pa e
departamento cu ta encarga cu studielening y ta duna conseho na studiantenan duna e miho informacion
posibel pa asina e studiante ta bon informa di cada detaye cu mester tene cuenta cu ne. Na momento di
hasi “beroepskeuze” mester tene na cuenta si e estudio ta cuadra cu e preparacion cu e studiante a ricibi y
si e estudio ta basa riba e posiblidadnan riba mercado laboral.

http://www.24ora.com/politica-mainmenu-18/95593-sr-jeffrey-kelly-bon-guia-y-bon-informacion-na-
momento-di-escohe-estudio-ta-esencial-pa-nos-studiantenan