Page 20 - UTILITIES
P. 20
Diabierna ultimo, manera nos por a corda, a sosode un spill di diesel den e generatorroom
di Hospital, cual fuel a bay pa e planta di purificacion na Bubali via e sistema di riolering.
Akinan tur instancia a wordo poni den accion di biaha y DOW, naturalmente, cu ta
encarga cu e parti aki, tambe a haci su trabao den sanea e situacion pa e diesel no yega
den e plas.
Frank Benita kende ta hoofd beheer waterschappen di DOW, a gradici na prome luga na e
team di calamidad y tur e instancianan cu a yuda pa evita cu e diesel drenta Bubali Plas.
Ta asina cu diabierna, ora cu a haya e señal cu tin diesel a drenta den e sistema di
riolering cu ta conecta cu e planta di tratamento di awa residual, a mobilisa e team, e
vacuum trucksnan na e pos di Costa Linda y tambe na e planta mes. Aki por bisa cu
durante operacion a saca 7 truck cu awa cu un mescla di diesel y tambe na Bubali a saca
10 truck. Durante e operacion tabata tin asistencia di Rampenbureau, unda cu DNM a
monitor e sistema pa e grado di oxigeno den e AT y tambe e Bubali Plas.
