Page 17 - ATA

Promocion internacional pa Aaruba por medio di Elite
Productions

Tuesday, 11 July 2017 17:53
1

Comparti

Recientemente un di e medionan lider den e industria international di luznan pa concierto y otro
eventonan LiveDesign a dedica un articulo specialmente riba Aruba. Motibo di esaki ta debi na e
produccion di luz impresionante cu Elite Productions & Entertainment a percura pa ehecuta durante
Soul Beach Music Festival 2017.

E revista a keda impresiona pa e forma profesional con Elite Productions & Entertainment a sa di
ilumina e shownan di artistanan di taya internacional manera Usher, Mary J Blige, The Roots y otronan.
Den e articulo a elabora cu e gran mayoria di luznan cu a wordo usa ta fabrica pa e compania Chauvet
Proffesional. Chauvet y su ehecutivonan mes tambe tabata na Aruba pa asina entrega un lote di luz
ultimo modelo. A hasi uso di diferente modelo di luz durante e show aki pa asina por crea diferente look
durante e concierto. Esaki ta hasi cu constantemente tin un variacion den e illuminacion y efectonan cu e
publico ta mira riba e escenario. E show y instalacion di luz a wordo diseña pa e hoben Erik van Oorsouw
di Elite Productions & Entertainment. E revista tanto online como imprimi LiveDesign ta conta cu miles
di abonado rond mundo cu ta sigi tur trend den e mundo di produccion. Pa Aruba su nomber sali ta algo
sumamente positivo. Naturalmente cu ta hasi mencion di Elite Productions & Entertainment tambe ta un
logro bunita pa e compania local cu ta brindando servicio audio/visual pa e ultimo 10 añanan na Aruba y
Caribe.