Page 30 - MIN ECEM

22 AWEMainta Diaranson, 1 November 2017

Fraccion di MEP den

Parlamento lo ta

critico den su papel

pa controla Gobierno

Durante conferencia di prensa semanal di fraccion di
MEP, lider di fraccion Evelyna Wever-Croes a duna
di conoce cu fraccion di MEP den Parlamento ta
den un fase di transicion, pendiente e formacion di
Gobierno.
“E prome señalnan ta bisto caba di e cambio cu Aruba
a vota pe: Un Parlamento den man di coalicion y
presidencia di Parlamento den man di coalicion”,
Evelyna Wever-Croes a declara.

Guillfred Besaril, Presidente di Parlamento, a duna
di conoce cu como Presidente den e periodo di
transicion aki, su tarea lo ta pa guia e Parlamento
n’e siguiente nivel, e nivel cu pueblo ta spera di su
Parlamento.
Rocco Tjon, Parlamentario nobo pa MEP, a elabora
riba su meta den politica riba tereno di husticia prin-
cipalmente y a indica cu desde Parlamento lo eherce
control riba Gobierno.

Tambe Rocco Tjon a indica cu e awasero fuerte den
fin di siman a causa masha hopi daño y inconvenien-
cia y cu fraccion di MEP lo reuni cu DOW pa haya
sa ta kico a bay malo, especialmente cu e careteranan
nobo di Green Corridor y Watty Vos Boulevard cu
obviamente no a pone atencion na un forma respon-
sabel p’e awa pa pasa bay.

Hendrik Tevreden tambe a indica cual areanan tin
su prioridad, y el’a indica cu e fraccion di MEP lo ta
hopi critico den su rol pa controla Gobierno.
Cu esaki lider di MEP a presenta algun di e caranan
nobo den Parlamento: “Mi ta hopi orguyoso di cada
un di nan y mi ta desea nan hopi exito den Parla-
mento”, Evelyna Wever-Croes a duna di conoce.