Page 19 - AWEMAINTA

deporte Dialuna 21 augustus 2017
A19

2 Arubiano eligi como miembro di FINA

4 aña lo sirbi como miembro di e Media comite. E tambe a cuminsa den e de-
porte di landamento como un atleta, representando Aruba na varios competencia
den region. Despues di culmina su estudio y estadia pa algun aña den exterior,
el a regresa Aruba y a fungi hopi aña como coach di e ekipo di landamento com-
petitivo Stingray Swimming Aruba. Na mes momento, e tabata e Meet Director
pa tur competencia local.
Pa a competencianan internacional cu Aruba a tene den pasado, manera Carifta,
CISC y weganan di Reino, sra. Croes tabata encarga cu e parti di competencia
di landamento.

Pa e ultimo añanan, e ta fungi como consehero tecnico di Arubaanse
ZwemBond,como tambe Secretaria General di CCCAN, e organo encarga cu
e deportenan Acuatico den Caribe y America Central,y tambe Secretaria di e
Comishon Technico di Masters di UANA. Luna pasa e tabata na Hungria, pa 2
siman durante e Campeonato Mundial di FINA manehando e oficina di UANA.

ORANJESTAD -
Arubaanse Zwembond
(AZB) ta informa cu Es-
ther Croes y Maureen
Croes a ser eligi como
miembro di 2 comite di
FINA, e organo mas halto
pa desaroyo, promocion
y control di e deportenan
acuatico.
“Pa AZB esaki ta un de-
saroyo hopi positivo,
tumando en cuenta cu
tin 207 pais miembro di
FINA, y pa 2 di nos per-
sonanan ta wordo selecta
ta indica cu nan trabou a
wordo reconoci.”

Esaki ta informacion for di
un relato di AZB.
Esther Croes, a ser eligi pa
sirbi den e comision tecnico
di landamento sincronisa.
Como hoben e tabata un
atleta di synchro, y a repre-
senta Antiyas Hulandes na
Weganan Olimpico di 1984
na Los Angeles, California,
USA. Despues di a finalisa
su studio na Belgica, el a re-
gresa Aruba y a continua di ta
envolvi cu synchro na Aruba.
Sra. Croes ta un hues FINA
pa mas cu 25 aña caba, y reci-
entemente el a wordo invita
pa bay China pa sirbi como
hues invitado na e Weganan
Nacional di China.
Actualmente e ta secre-
taria General di Arubaanse
Zwembond, y ta miembro
tambe di Comision Tecnico
di Synchro di UANA, cu ta e
organo cu ta encarga cu e de-
portenan acuatico den e con-
tinente Americano. Como
miembro di UANA, Esther
ta envolvi cu e organisacion
di e competencianan den di-
cho continente.
Como miembro di Comis-
ion Tecnico di FINA, sra.
Croes lo ta envolvi cu tur
decisionnan pa e disciplina,
tur cambionan cu lo por bin,
como tambe participacion na
tur e competencianan syn-
chro cu FINA ta organisa.
Otro miembro
Maureen Croes pa e proximo