Page 32 - AWEMAINTA

A32 LOCAL
Dialuna 21 augustus 2017

Cruz Cora a celebra 60 aña aniversario cu un ‘Health Day’

gratis pa comunidad

ORANJESTAD - En conexion cu 60 aña di celebracion
di Cruz Cora Aruba, Desaster Action Team a organisa
un ‘Health Day’ completamente gratis. Akinan a entre
otro tuma presion, sucu, peso y tambe ofrece informa-
cion valioso.

Stella Gomes-Vrolijk, encarga cu staff administratie na Cruz
Cora Aruba, ta conta Bon Dia cu e iniciativa tabata mas pa hen-
de sa unda na salud ta bayendo. E evento a tuma luga entre 8or
di mainta te cu 3’or di atardi na edificio di Cruz Cora Aruba na
Pedro Gallegostraat 12.
E invitadonan cu a contribui tabata Ibisa cu nan bus y un dok-
ter presente cu a atende anto conseha esnan cu a presenta. Di-
asabra mainta awa a yobe un poco cual mas tanto a spanta algun
hende di bay pero despues parti merdia mas hende a presenta.
Nan a yega di haci algo similar na esaki den pasado pero un tiki
mas chikito. E biaha aki segun sra. Gomes-Vrolijk, nan a invita
mas organisacion manera: Mary Joan Foundation, Wilhemina
Kankerfonds , Medisch Cosmetic cu nan productonan y tambe
Nature’s Discount. Tabata tin varios boluntarionan jong cu a
bay yuda tambe. Algun di e hobennan aki ta boluntarionan cu
gusta yuda y un di nan (un hoben di 17 aña) a conta Bon Dia cu
e tin pensa di persigui un carera medico den futuro. Di e forma
aki Cruz Cora Aruba a celebra nan 60 aña di existencia haci-
endo locual nan gusta mas: yuda hende den nos comunidad