Page 18 - SOLON JUN 22

Pagina 18 Dialuna 22 Juni 2015

Resultado Copa America 2015.....

Argentina ta vence Jamaica y ta avanza como lider di

grupo B pa e cuartonan di final di Copa America

Un gol haya pa Gonzalo
Higuain den e di diez
minuut di e encuentro
diasabra, a marca e
victoria na e selección
Argentino contra Jamaica,
loke a garantisanan e
liderato di Grupo B di Copa
America cu shete punto.

E partido tabata bao di
dominio di e selección
Argentino cu a dispone di
varios ocasión pa amplia
su bentaha, a pesar cu
durante hopi minuut el a
hunga cu un ritmo hopi
lento y poco profundidad.

Den algún fase di e

encuentro, incluso a

duna e sensación cu

intencionalmente nan

tabata mustra medio gas

y sin poni paso firme

definitivamente na e

acelerador.

E salidanan di Jamaica
tabata contragolpe a
wordo conta y den casi
ningún peliger dilanti di e
gol di Sergio Romero, cu
apenas a interveni den e
encuentro.

E ekipo Argentino a dedica
bon parti na e partido
pa maneha e bala cerca
di e gol di e conhunto
Jamaiquino, pero sin
anima na shoot di afo, loke
a permiti cu e dispositivo
defensivo di e Jamaiquino
tabata inefectivo.

Diadomingo, cuminsando
pa 3’or di atardi, Colombia
lo enfrenta Peru, sigui pa e
wega di Brazil (sin Neymar)
contra Venezuela pa 5’or
y mey di atardi. Esaki
sigur lo bay ta dos partido
sumamente interesante
y yen di acción pa asina
ken ta bay cas y ken ta
keda. Sintoniza Rumba
91.5, hunto cu Roberto
Geerman, kendenan lo
trece minuut pa minuut di
e weganan interesante aki.