Page 12 - KPA
P. 12
- Advertisement -
ORANJESTAD (AAN): Un acto repudiable ta loke testigonan a mira ta socede Diamars
atardi riba Plaza Alameda, net dilanti Corte di Husticia.
Nan a mira con un homber a subi e estatua di “Señora Husticia” (conoci tambe como
“Vrouwe Justitia”)
E ciudadano a mira con e persona a ranca, y kibra e balanza for di e cadena, y baha
abao cune, y core bay cu esaki.
Mesora Polis a wordo notifica, y inmediatamente nan a mobiliza, y den John G.
Emanstraat a bin tope. E homber tabata basta agresivo cu Polis, pero tog e agentenan
na un forma tactico a pone para keto, y a pone boei na tanto su man como pia.
El a wordo identifica como e homber D.C. di 29 aña di edad, biba na Sero Patrishi.
El balanza tambe a wordo haya. E material ta blink manera oro, pero realmente e no ta
di oro.
Tin indicacion cu e homber aki ta un deportista di MMA, y e lo a comete e acto aki como
un sorto di ‘protesta’, pero no ta conoci kico realmente e ta protestando. Su forma di
reacciona Diamars atardi contra Polisnan tabata hopi lamentable, y no ta conoci si
acaso e tabata bao influencia di algo.
Polis a bay cu e homber Warda di Polis. Aki sigur e lo bay keda 10 dia encarcela pa
‘diefstal’, pero sigur Fiscal ni Huez lo no keda contento cu e homber aki a destrui e obra
di arte aki, y haya djis diez dia den cel.
E imagen of estatua di un “Lady Justice” (Señora Husticia) ta wordo haya hopi biaha
dilanti Edificionan di Husticia, y otro lugarnan unda antes tabata duna derecho.
