Page 19 - MIN VOS_Neat

AWEMainta Diasabra, 22 Juli 2017 17

Minister di Integracion Benny Sevinger: DURANTE ceremonia protocolario cu a tuma

“Nos ta celebra cu e colonia lugar diahuebs mainta riba Plaza Simon Bolivar,
Minister di Integracion Benny Sevinger a haci entrega
Colombiano y sigui traha floral, pero tambe a expresa su felicitacion personal
na henter e colonia Colombiano.
hunto pa engrandece nos isla” Aki el a resalta e lazonan cu ta data for di siglonan
atras y e integracion total cu ta existi awendia y ta
aporta grandemente n’e progreso di nos pais.

Sevinger: “Nos ta hopi contento cu e contribucion
di colonia Colombiano na Aruba. Hopi di nan a bira
Arubiano caba, a haya nan nacionalidad y ta parti
esencial di nos comunidad.”
Mescos cu sr. Clifford Rosa di Stichting Rancho a
conta durante su discurso e mainta aki, con piscador
y comerciantenan Colombiano di La Guajira tabata
bin Aruba y keda den e bario aki y antecedentenan di
famianan na Aruba ta bay te den zonanan mas leu di
Colombia; awendia pa Minister Sevinger e conexion-
nan a continua, pero ta mas amplio y fuerte.

“Colombia t’e colonia mas grandi cu a integra pa
añanan largo, for di añanan cu nos tabata un colonia
Spaño y despues Hulandes. Esaki a bira hopi mas
grandi ora cu bin henter e industria turistico,” e titular
di integracion a splica.
Sevinger ta wak cu den tur ramo di trabou, sea den
medicina, comercio, construccion y otro ramo ta
topa cu un persona cu a bin di Colombia claramente
y completamente integra den e parti di trabou y
sociedad.

“Nos ta celebra cu nan y nos ta pidi cooperacion pa
nos por sigui traha hunto y sigui engrandece nos pais,
pasobra e t’e pais di nos tur,” e mandatario ta expresa.
Esaki t’e vision cu Gabinete Mike Eman I y II a traha
riba durante ultimo 8 añanan; un vision basa riba
integracion real.
“Laga nos no lubida e Gobierno anterior; con nos in-
migrantenan tabata wordo trata. Laga nos no lubida e
dianan scur ey ora cu un Prome Minister tabata bisa:
‘No hay cama pa tanta gente’ y ‘Bay bo pais bek’,”
Sevinger a bisa recordando tambe con e Minister di
Integracion di e tempo ey, Booshi Wever, tabata pasa
n’e scolnan pa deporta e muchanan y no tabatin oido
pa stranhero.

“E parti ey a pasa pa historia den ultimo 8 añanan,”
Minister Sevinger a expresa.
E maneho di Gabinete Mike Eman ta uno totalmente
humanitario, basa riba integracion y esey ta e direc-
cion cu kier keda riba dje.
“Un pais ta crece cu su habitantenan, sea di unda
nan ta bin; nan ta parti di esaki y nos tin cu traha
hunto pa hiba e pais aki dilanti y pa hiba e futuro
generacionnan dilanti,” Benny Sevinger a bisa.
“Laga nos sigui traha hunto pa conserva e balornan
aki y pa conserva tur loke nos a construi den e ultimo
añanan aki y pa nos sigui padilanti. Cu na final nos
tur por bisa cu nos ta Arubiano y nos tur ta stima e
pais aki y nos tur traha pa hib’e dilanti.”