Page 50 - MIN VOS_Neat

E breuk na stoma por origina ora cu e buraco den bo diafragma, caminda e corocoro ta pasa, ta
mucho hancho. Otro posibel causa di kimamento di stoma y dolo di stoma ta ulcera (di stoma),
infeccion di e flishi di slijm (e mucosa) of e uzo di cierto medicamento, particularmente aspirin y

asina yama remedinan contra reumatismo.

E sintomanan por bira mas grave pa motibo di tension, stress, humamento of alcohol.

Cuido Propio: Loke bo mes por haci

Respeta bo stoma. No uza koffie, producto di tabaco ni alcohol. No come cuminda pica. Come cu

frecuencia, pero tiki tiki. Come entre e cumindanan buscuchi cu ta slap. Kauw e cuminda hopi bon.
Evita remedi cu por irita bo stoma (bou di esakinan e.o. remedinan contra dolo). Controla si stress
por ta un di e causanan. Drumi na tempo.Bo por cumpra remedi cu ta neutralisa kimamento di stoma

na botica.

Tuma contacto cu bo docter di cas

-Si regularmente bo tin dolo di stoma.

-Si bo ta birando flaco.

-Si bo ta perde apetit.

-Si, a pesar di medida di dieet, e kehonan duro mas di 2 siman.

Tuma contacto cu bo docter di cas inmediatamente

Den caso cu bo saca sanger.

Den caso cu bo sushi ta preto.