Page 37 - flip kpa

Autoridad di Aruba den gobierno y tambe autoridad di aviacion diA ruba y
Curacao ta confirma cu loke hopi hende a mira ta un avion. Esaki ta e bola di candela cu a bin abou.
Tur cos ta mustra cu ta un avion illegal den nos espacio aereo bayendo Venezuela probablemente. Ta
investigando kiko tin tras di henter e asunto aki. Autoridad cu radar di Curacao a notifica autoridad di
Aruba di e situacion aki y ta bisa tambe cu no tabata tin contacto cu e avion. Pesey mes ta considera e
avion aki uno illegal den e area. E version si ta tumba a tumba e avion tambe ta algo cu mester wordo
confirma pasobra esaki tambe ta wordo menciona. Kustwacht y Polis Maritimo a bai direccion di e area
unda lo a mira e obheto cay. Testigonan tin cu a saca potret y graba te hasta. A mira e bola di candela ta
bai manera straño y djey cay.

http://www.24ora.com/policial-mainmenu-8/91212--homber-atraca-riba-caya-a-yega-te-cirkle-k-y-kita-
cay
Homber atraca riba caya a yega te Cirkle K y
kita cay

Thursday, 29 January 2015 07:41

Comparti

Diahuebs marduga algo pasa di 5or un homber a drenta pidiendo auxilio banda di Cirkle K. E homber aki
tabata tin corta basta serio na cabez. E personal di Cirkle K a bati alarma mesora.
Polis y ambulance a wordo manda na e sitio. El a splica cu e tabata canando y dos persona of homber
basta hoben a bai riba dje y atrake. Nan a maltrate basta serio den e proceso y forzageo. Polis a tuma nota
cu e homber tabata bayendo manera off sinta riba vloer den Cirkle K. No por a saca masha cos for di dje.
Personal di ambulance cu a yega a bai cune hospital. E personal di Atraco Team a wordo avisa y tambe
cuerpo tecnico. E victima no ta grave pero tog basta golpi tabata visible na su curpa a consecuencia di e
atraco. Tur cos ta indica cu ta patras di Cirkle K eybanda a atrake y e security lo a dune un man. A haya su
slof ainda benta eytras.